सामान्य व्यक्तीच नव्हे, तर चित्रपटसृष्टीतील कलाकारही कोरोना व्हायरसच्या तावडीत सापडताना दिसत आहेत. नुकतेच ‘मिस्टर पर्फेक्शनिस्ट’ आमिर खान कोरोना पॉझिटिव्ह असल्याचे बुधवारी (२४ मार्च) त्याच्या प्रवक्त्याने सांगितले होते. यानंतर आता आमिर खानचाच खास मित्र आणि सहकलाकार आर माधवनही कोरोना पॉझिटिव्ह आढळला आहे. माधवनने सोशल मीडियावर मजेशीर अंदाजात ही माहिती दिली आहे.
माधवनने ‘३ इडियट्स’ चित्रपटाचे एक पोस्टर शेअर केले आहे, ज्यामध्ये तो आमिर खानसोबत बसलेला दिसत आहे. त्याने हा फोटो शेअर करत लिहिले की, शेवटी व्हायरसने रँचोपाठोपाठ फरहानलाही पकडले आणि ही एक अशी जागा आहे, जिथे राजू येऊ नये असे त्यांना वाटत आहे.
Farhan HAS to follow Rancho and Virus has always been after us BUT this time he bloody caught up. ????????????????BUT-ALL IS WELL and the Covid???? will be in the Well soon. Though this is one place we don’t want Raju in????????. Thank you for all the love ❤️❤️I am recuperating well.???????????? pic.twitter.com/xRWAeiPxP4
— Ranganathan Madhavan (@ActorMadhavan) March 25, 2021
माधवनने ट्वीट करत लिहिले की, “फरहानने रँचोला फॉलो केले आणि व्हायरस नेहमी आमच्या मागे राहिला. परंतु यावेळी आम्हाला त्याने पकडले. ऑल इझ वेल आणि कोव्हिड लवकरच बरा होईल. ही एक अशी जागा आहे, जिथे राजू येऊ नये, असे आम्हाला वाटत आहे. तुम्हा सर्वांच्या प्रेमासाठी खूप खूप धन्यवाद. मी एकदम ठणठणीत आहे.”
विशेष म्हणजे ‘३ इडियट्स’ चित्रपटात माधवनने फरहानची भूमिका साकारली होती, तर आमिर रँचोच्या भूमिकेत होता. याव्यतिरिक्त शरमन जोशीने राजूची भूमिका साकारली होती. तसेच बोमन इराणी चित्रपटात वीरू सहस्त्रबुद्देच्या भूमिकेेत होते. हा चित्रपट चांगलाच सुपरहिट ठरला होता. या चित्रपटाचे दिग्दर्शन राजकुमार हिरानी यांनी केले होते.
आमिर खानने कोरोनाची लक्षणे दिसायला लागल्यानंतर कोरोना चाचणी केली होती. त्यानंतर त्याचा अहवाल पॉझिटिव्ह आला. आता तो घरामध्येच क्वारंटाईनमध्ये आहे. याव्यतिरिक्त नियमांचे पालन करत आहे. आमिरने त्याच्या संपर्कात आलेल्या व्यक्तींना स्वत: ची कोरोना चाचणी करून घ्यायला सांगितले होते.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-माणुसकीचे उत्तम उदाहरण! मराठमोळी अभिनेत्री पूजा सावंतने दिले घुबडाला जीवनदान; सर्वत्र होतंय कौतुक
-भल्या भल्यांना रडवणाऱ्या कंगना रणौतला ‘या’ कारणामुळे अश्रू अनावर
