परिणीती चोप्रा (Parineeti Chopra) आणि हार्डी संधूचा ‘कोड नेम तिरंगा’ हा चित्रपट सध्या चर्चेत आहे, जो एक एक्शन आधारित चित्रपट असेल. परिणीतीने आदल्या दिवशी घेतलेल्या पत्रकार परिषदेत चित्रपटाच्या शूटिंग लोकेशनसह तिच्या चित्रपटाबाबत अनेक मोठे खुलासे केले. त्याच वेळी, आता या चित्रपटाचा धनसू ट्रेलर देखील समोर आला आहे, जो खूपच प्रेक्षणीय आहे. या चित्रपटात परिणीती एका गुप्तहेराच्या भूमिकेत दिसणार आहे आणि अभिनेत्रीही जबरदस्त एक्शन करताना दिसणार आहे, ज्याची एक झलक ट्रेलरमध्ये दाखवण्यात आली आहे.
‘कोड नेम तिरंगा’चा ट्रेलर दोन मिनिटे 55 सेकंदांचा आहे, जो मोठ्या धमाक्याने सुरू होतो. ट्रेलरच्या पहिल्या दृश्यातच बरीच एक्शन दाखवण्यात आली आहे आणि हा धमाका शरद केळकर करत आहे. दरम्यान, परिणीती उर्फ अल्फा वन ‘द बेस्ट मॅन’ देशासाठी निर्भय मिशनवर आहे. या ट्रेलरमध्ये ती विविध शैलीतील एक्शन सीन्समध्ये दिसत आहे. समोरासमोरच्या या लढतीत परिणीती चोप्रा तिच्या शत्रूंवर मात करताना दिसत आहे. ती उंच इमारतींमध्ये दहशतवाद्यांना गोळ्या घालताना दिसत आहे.
या चित्रपटाचे शूटिंग लॉकडाऊनच्या दिवसांमध्ये तुर्कीमध्ये झाले होते आणि याचा खुलासा परिणीतीने केला आहे. आदल्या दिवशी चित्रपटाच्या प्रिमियरवेळी तिने सांगितले होते की, आम्ही भीतीच्या वातावरणात शूटिंग पूर्ण केले. दुसऱ्या दिवशी शूटिंग कुठे आणि कसे होणार? याची कोणालाच माहिती नव्हती. त्यावेळी युनिटमधील काही लोकांनाही कोविड झाला होता. दुसरीकडे मला मुंबईहून फोन येत होते. जगभरात लॉकडाऊन आहे आणि तुम्ही तिथे शूटिंग करत आहात हे पाहून माझे मित्र नाराज झाले.
तिच्या भूमिकेचे वर्णन करताना परिणीती म्हणाली होती की, हिंदी चित्रपटसृष्टीत महिला रॉ एजंटवर फार कमी चित्रपट बनले आहेत. मी या व्यक्तिरेखेसाठी खूप उत्सुक होते कारण बॉलीवूडमध्ये माझी प्रतिमा एका बबली मुलीसारखी आहे आणि हा चित्रपट माझी प्रतिमा खरोखरच बदलेल. या चित्रपटात हार्डी संधू डॉक्टर मिर्झा अलीच्या भूमिकेत दिसणार असून हा चित्रपट १४ ऑक्टोबरला प्रदर्शित होत आहे.
दैनिक बाेंबाबाेंबचा व्हाॅटसऍप ग्रूप जाॅईन करण्यासाठी येथे क्लिक करा
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
हेही वाचा-
धक्कादायक! ‘भाभीजी घर पर है’ फेम अभिनेत्यावर कोसळला दुःखाचा डोंगर, 19 वर्षीय मुलाचे निधन
टेलिव्हिजनवरील ‘या’ सोज्वळ अभिनेत्रींनी घातला ‘बिग बॉस’मध्ये धुमाकूळ, बिकिनी लूकने केले चाहत्यांना घायाळ
