प्रसिद्ध गुसडी लोकनृत्य गुरू आणि पद्मश्री पुरस्कार विजेते कनका राजू यांचे निधन झाले. वयाच्या ८४ व्या वर्षी त्यांनी अखेरचा श्वास घेतला. त्यांना गुसडी राजू म्हणूनही ओळखले जात असे. वयोमानाच्या त्रासामुळे शुक्रवारी त्यांचे निधन झाले. पंतप्रधान नरेंद्र मोदी यांनी शनिवारी त्यांच्या निधनावर शोक व्यक्त केला.
पीएम मोदींनी त्यांच्या X अकाउंटवर लिहिले की, ‘उत्कृष्ट नृत्यांगन आणि सांस्कृतिक प्रतिक श्री कनक राजूजी यांच्या निधनाने दु:ख झाले. गुसडी नृत्य जपण्यात त्यांचे भरीव योगदान येणाऱ्या पिढ्यांना नेहमीच प्रेरणा देत राहील. त्यांच्या समर्पण आणि उत्कटतेने हे सुनिश्चित केले की सांस्कृतिक वारशाचे महत्त्वाचे पैलू त्यांच्या अस्सल स्वरूपात भरभराट होत आहेत. त्यांच्या कुटुंबीयांना आणि चाहत्यांसाठी माझ्या संवेदना. ओम शांती.’
कनक राजू यांच्या पार्थिवावर शनिवारी कुमारम भीम आसिफाबाद जिल्ह्यातील जैनूर मंडळातील त्यांच्या मूळ गावी मारलावई येथे अंत्यसंस्कार करण्यात येणार आहेत. कनका राजू यांना त्यांच्या कलेतील योगदानाबद्दल 2021 मध्ये प्रतिष्ठित पद्मश्री पुरस्काराने सन्मानित करण्यात आले. गुसाडी नृत्य समुदायातील, विशेषत: तेलंगणातील ते एक प्रमुख व्यक्तिमत्त्व होते.
तेलंगणाचे मुख्यमंत्री ए रेवंत रेड्डी यांनीही प्रसिद्ध गुसाडी नृत्यांगना यांच्या निधनाबद्दल तीव्र शोक व्यक्त केला आहे. गुसदी जगासमोर आणणारे आणि तेलंगणाची कला आणि सांस्कृतिक परंपरा जपणारे असाधारण कलाकार म्हणून कनका राजू यांची ओळख असल्याचे मुख्यमंत्री म्हणाले. मुख्यमंत्री कार्यालयाने जारी केलेल्या निवेदनानुसार, तेलंगणाच्या मुख्यमंत्र्यांनी म्हटले की, प्रख्यात नृत्यांगना यांचे निधन हे लोककलांचे कधीही भरून न येणारे नुकसान आहे. निवेदनात म्हटले आहे की, मुख्यमंत्र्यांनी शोकसंतप्त कुटुंबीयांप्रती तीव्र शोक व्यक्त केला आहे आणि कनक राजू यांचे अंतिम संस्कार राज्य सन्मानाने करण्याचे आदेश अधिकाऱ्यांना दिले आहेत.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
विमानतळावर चाहता सेल्फी घेण्यासाठी आला, श्रद्धाला वाटले तो आदित्य रॉय कपूर आहे; पुढे घडली गम्मत…
