बॉलीवूड सुपरस्टार शाहरुख खान आगामी ‘मुफासा: द लायन किंग’ या थेट-ॲक्शन चित्रपटात आपल्या आवाजाची जादू पसरवण्यासाठी सज्ज झाला आहे. हा चित्रपट त्याच्यासाठी विशेष महत्त्वाचा आहे, कारण त्याची दोन्ही मुले अबराम खान आणि आर्यन खानसोबतचा हा त्याचा पहिला संयुक्त प्रकल्प आहे. या चित्रपटात शाहरुखने मुफासाला आवाज दिला आहे, तर अबरामचा आवाज तरुण मुफासासोबत ऐकायला मिळणार आहे. याशिवाय आर्यनने पुन्हा एकदा सिम्बाच्या व्यक्तिरेखेसाठी आवाज दिला आहे. 2019 मध्ये द लायन किंगमध्येही त्याने आपला आवाज दिला होता.
चित्रपटाशी जोडल्याबद्दल बोलताना शाहरुख म्हणाला, “मुफासा दयाळू, मजबूत, शक्तिशाली, प्रेमळ आणि कौटुंबिक आहे. हे गुण आपण सर्वांनी स्वतःमध्ये पाहू इच्छितो.” त्याने गमतीने आपले बालपणीचे दिवस आठवले आणि सांगितले की, “माझ्याकडे मुफासासारखेच केस होते, त्यामुळे मला त्याच्याशी रिलेट झाल्यासारखे वाटते.”
हा चित्रपट ‘द लायन किंग’चा प्रीक्वल आहे आणि मुफासाच्या आयुष्यातील संघर्ष दाखवतो. या चित्रपटात मुफासा अनाथ सिंहाच्या पिल्लापासून सिंहासनापर्यंतचा त्याचा प्रवास रेखाटतो. हा चित्रपट भारतात 20 डिसेंबर 2024 रोजी इंग्रजी, हिंदी, तमिळ आणि तेलगू भाषेत प्रदर्शित होणार आहे.
या चित्रपटाचे दिग्दर्शन बॅरी जेनकिन्स यांनी केले आहे. डोनाल्ड ग्लोव्हर, सेठ रोजेन, बिली आयचनर, जॉन कानी आणि बेयॉन्से नोल्स-कार्टर सारखे स्टार्स या प्रकल्पाचा भाग आहेत. याशिवाय आरोन पियरे, केल्विन हॅरिसन जूनियर, टिफनी बून, मॅड्स मिकेलसेन, थांडिव न्यूटन, लॅनी जेम्स, अनिका नोनी रोज आणि ब्लू आयवी कार्टर हे देखील चित्रपटात महत्त्वाच्या भूमिकेत दिसणार आहेत.
वर्क फ्रंटबद्दल बोलायचे झाले तर शाहरुख खान शेवटचा डंकी चित्रपटात दिसला होता. राजकुमार हिरानी यांचा हा चित्रपट बॉक्स ऑफिसवर चांगला व्यवसाय करण्यात यशस्वी ठरला. आता तो ‘किंग’मध्येही दिसणार आहे. सुजॉय घोष दिग्दर्शित या चित्रपटात सुहाना खान आणि अभिषेक बच्चन महत्त्वाच्या भूमिकेत आहेत.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
६५ रुपये पगारावर काम; पुढे बनले सर्वात मोठे स्टार; आजच्याच दिवशी देव आनंद यांनी सोडले होते जग…
