तमिळ चित्रपटसृष्टीचे आयकॉन आणि थलाईवा म्हणून ओळखले जाणारे सुपरस्टार रजनीकांत आज त्यांचा 75 वा वाढदिवस साजरा करत आहेत. 12 डिसेंबर 2025 या खास दिवशी चाहत्यांसह देशभरातील सेलिब्रिटींकडून अभिनंदनाचा वर्षाव होत आहे. पंतप्रधान नरेंद्र मोदी, तामिळनाडूचे मुख्यमंत्री एम.के. स्टॅलिन, अभिनेता धनुष, खुशबू सुंदर आणि एस.जे. सूर्या यांनी विशेष संदेश देत थलैव्याच्या पाच दशकांच्या यशस्वी कारकिर्दीचे कौतुक केले.
पंतप्रधान नरेंद्र मोदी (Narendra Modi)यांची भावनिक पोस्ट- पंतप्रधान मोदी यांनी त्यांच्या एक्स हँडलवर रजनीकांत यांच्यासाठी वाढदिवसाचा खास संदेश लिहिला. ते म्हणाले, “थिरू रजनीकांतजी यांना 75 व्या वाढदिवसाच्या शुभेच्छा. त्यांच्या अभिनयाने अनेक पिढ्यांना भुरळ घातली आहे. विविध भूमिका आणि शैलींमुळे त्यांनी इंडस्ट्रीत नवे बेंचमार्क तयार केले. यंदाचे वर्ष त्यांच्या 50 वर्षांच्या सुवर्णकारकिर्दीमुळे खास ठरले.” त्यांनी थलैव्याच्या दीर्घ आणि स्वस्थ आयुष्यासाठी प्रार्थनाही केली.
सीएम एम.के. स्टॅलिन यांनी दिला भावनिक संदेश -तामिळनाडूचे मुख्यमंत्री स्टॅलिन यांनीही सोशल मीडियावर रजनीकांत यांच्यासोबतचा एक जुना फोटो शेअर करत तमिळमध्ये लिहिले, “रजनीकांत = वयाच्या पलीकडे असलेले आकर्षण!” त्यांनी पुढे लिहिले, “माझ्या मित्राला वाढदिवसाच्या शुभेच्छा. सहा वर्षांपासून साठपर्यंत सर्वांना मोहून टाकणाऱ्या थलाईव्याने अजूनही यशस्वी प्रवास असाच सुरू ठेवावा.”
इतर सेलिब्रिटींच्या शुभेच्छा अभिनेता एस.जे. सूर्या यांनी सन पिक्चर्सचा रजनीकांत यांच्या 50 वर्षांच्या प्रवासाचा विशेष व्हिडिओ शेअर केला आणि लिहिले, “आमच्या थलाईवरला वाढदिवसाच्या शुभेच्छा.” अभिनेत्री-राजकारणी खुशबू सुंदर यांनीही रजनीकांत यांच्यासोबतचा एक जुना फोटो शेअर करत लिहिले, “समर्पण, साधेपणा आणि सकारात्मकतेचे मूर्तिमंत रूप म्हणजे थलाईवा.”
रजनीकांत यांचे माजी जावई आणि तमिळ चित्रपटसृष्टीतील लोकप्रिय अभिनेता धनुष यांनी पहाटेच शुभेच्छा देत लिहिले, “हॅपी बर्थडे थलैवा.” 2004 ते 2024 या काळात धनुषचा रजनीकांत यांच्या कन्या ऐश्वर्यासोबत विवाह होता, त्यामुळे त्यांचे नाते आजही स्नेहपूर्ण आहे.
रजनीकांत यांच्या आगामी प्रोजेक्ट्स कामाच्या आघाडीवर, थलैवा 2024 च्या वेट्टाय्याननंतर 2025 मधील “कुली” मध्ये दिसले. सध्या ते “जैलर 2” च्या शूटिंगमध्ये व्यस्त असून, कमल हासन निर्मित आणखी एका मोठ्या प्रोजेक्टसाठी त्यांची निवड झाली आहे. 75 व्या वर्षीही रजनीकांतचा करिष्मा तितकाच तेजस्वी आहे, आणि त्यांचा वाढदिवस चाहत्यांसाठी सणासारखा साजरा केला जात आहे.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
