चित्रपट सृष्टी मध्ये काम मिळवणं सोपं जरी असलं तरी ते टिकून ठेवणे आणि प्रत्येक नवीन भूमिकांसाठी टिकून आणि तयार राहणे हे खूप अवघड आहे. नवीन कलाकारांना चित्रपटसृष्टीमध्ये प्रसिद्धी मिळवण्यासाठी अनेकदा संघर्ष करावा लागतो परंतु तुम्ही खंबीरपणे आपला ठसा उमटवला तर तुम्ही टिकून राहता. पण आज आपण एका अशा अभिनेत्री बाबत जाणून घेऊयात जिच नाव श्वेता बासू प्रसाद (prasad)आहे आणि, एक अशी अभिनेत्री जिने बालकलाकार म्हणून प्रचंड प्रसिद्धी मिळवली, पण नंतर तिला वाद, अज्ञातवास आणि अखेरीस एका दमदार पुनरागमनाचा सामना करावा लागला.
श्वेताच्या प्रवासाची सुरुवात विशाल भारद्वाज यांच्या 2002 सालच्या ‘मकडी’ या चित्रपटाने झाली. अवघ्या 11 वर्षांची असताना, तिने आपल्या दुहेरी भूमिकेने प्रेक्षकांना प्रभावित केले आणि सर्वोत्कृष्ट बालकलाकाराचा राष्ट्रीय पुरस्कार पटकावला. तिने ‘इकबाल’मध्ये आपली प्रतिभा आणखी सिद्ध केली आणि ‘कहानी घर घर की’ सारख्या मालिकांमुळे ती टेलिव्हिजनवर एक ओळखीचा चेहरा बनली. तिचे काम दाक्षिणात्य चित्रपटसृष्टीपर्यंत विस्तारले, जिथे तिचे तितकेच कौतुक झाले.
मात्र, 2014 मध्ये हैदराबादमध्ये एका मोठ्या वादात सापडल्याने तिच्या आयुष्याला एक मोठे वळण लागले. प्रसारमाध्यमांच्या वृत्तांनी तिला एका घोटाळ्याशी जोडले, ज्यामुळे लोकांचा रोष ओढवला गेला आणि तिच्या प्रतिष्ठेला धक्का बसला. नंतर, तिला चुकीच्या पद्धतीने गोवण्यात आले होते हे स्पष्ट करत न्यायालयाने तिला सर्व आरोपांमधून निर्दोष ठरवले, परंतु याचा तिच्या भावनिक आणि व्यावसायिक जीवनावर मोठा परिणाम झाला. श्वेताने 2018 मध्ये तिने लग्न केले आणि नव्या आयुष्याला सुरुवात केली. आपले करिअर पुन्हा उभारण्यावर लक्ष केंद्रित करण्याचा निर्णय घेतला.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
चित्रपट फ्लॉप झाल्यानंतर अक्षय कुमारने एकता कपूरला पैसे दिले होते परत; निर्मात्यांनी केला खुलासा
