‘बिग बॉस १५’मध्ये कुटुंबातील सदस्यांमध्ये दररोज एक नवा वाद पाहायला मिळत आहे. शो सुरू होऊन एक आठवड्याहून अधिक काळ झाला आहे. अशा परिस्थितीत जंगलवासी आता मुख्य घराच्या आत जाण्यासाठी सर्वतोपरी प्रयत्न करताना दिसत आहेत. हा शो सुरुवातीपासूनच खूप मनोरंजक होता. अगदी सुरुवातीपासूनच प्रतिक हा घरातील सर्वात वादग्रस्त स्पर्धक राहिला आहे. मात्र, आता जसा खेळ पुढे जात आहे, इतर स्पर्धकही या शोमध्ये एकमेकांशी लढताना दिसत आहेत.
यावेळी हा शो जंगल थीमवर आधारित आहे. अशा स्थितीत घराचे दोन भाग केले जातात. या अंतर्गत शमिता शेट्टी, निशांत भट्ट आणि प्रतीक सेहजपाल हे मुख्य घरात राहतात. इतर सर्व सदस्य जंगल परिसरात दिवस काढत आहेत. त्याचवेळी बिग बॉसने जंगलात राहणाऱ्या सदस्यांना मुख्य घरात जाण्याचे टास्क दिले होते.
नुकत्याच प्रसारित झालेल्या भागात सर्व जंगलवासी पुन्हा एकदा हे टास्क करताना दिसले. त्याचवेळी, टास्कच्या उर्वरित फेऱ्या पूर्ण झाल्यानंतर शेवटी संचालक शमिता शेट्टीने टायगर टीमला टास्कचा विजेता घोषित केले आहे. यानंतर, टायगर टीमच्या सदस्यांना म्हणजेच विशाल, तेजस्वी, जय आणि अकासाला नियमांनुसार मुख्य घरात जाण्याची संधी मिळाली आहे.
मुख्य घराकडे जाताना विशाल आणि तेजस्वी जंगलातील रहिवाशांना नकाशा पूर्ण करण्यापासून रोखण्याचे वचन दिल्याप्रमाणे, निशांत आणि शमिताशी बोलताना दिसले. या अनुक्रमात, दुसऱ्या दिवशी मॅपचे तुकडे मिळवण्यासाठी कुटुंबातील सदस्य आणि जंगलवासी यांच्यात बराच वाद झाला. यादरम्यान, अफसानाने अकासाचा शर्टही फाडला. त्यानंतर कुटुंबातील सर्व सदस्य अफसानावर चिडताना दिसले.
दरम्यान, शमिता शेट्टी देखील या कृत्यासाठी अफसानाला फटकारताना दिसली. शमिता शेट्टी आणि अफसाना यांच्यातील वादादरम्यान अफसानाने शमिताला अनेकवेळा बरे वाईट ऐकवले. अफसाना शमिताला टोमणे मारते की, ती कोण आहे आणि तिला कोण ओळखतं?
एवढेच नाही, तर वाद इतका पुढे गेला की, अफसानाने तिला म्हातारी आणि गलिच्छ असेही म्हटले. यादरम्यान, जंगलातील इतर सदस्य देखील अफसानाला शांत करताना दिसले. अकासाबरोबर तिच्या कृतीमुळे जवळजवळ सर्व सदस्य तिच्यावर नाराज असल्याचे दिसून आले आहे.
दैनिक बोंबाबोंबचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-अरर! ‘बिग बॉस १५’ मधील ‘या’ स्पर्धकांना चाहत्यांकडून ‘बोरिंग कंटेस्टेंट्स’चा टॅग; पाहा यादी
