स्वरांची कोकिळा म्हणून ओळखल्या जाणाऱ्या दिग्गज गायिका लता मंगेशकर (Lata Mangeshkar) आता या जगात नाहीत. पण त्यांच्या आठवणी नेहमीच आपल्यासोबत राहतील. त्यांच्या सुंदर गाण्यांपासून दीदींचे काही व्हिडिओ सोशल मीडियावर खूप व्हायरल होत आहेत. अशातच लता मंगेशकर यांची एक व्हिडिओ क्लिप समोर आली आहे. ज्यामध्ये त्या शेवटच्या वेळी चालताना दिसत आहेत. लता दीदींचा हा व्हिडिओ मुंबईतील ब्रीच कँडी हॉस्पिटलमधील असल्याचा अंदाज वर्तवला जात आहे, जिथे त्यांच्यावर उपचार सुरू होते.
व्हिडिओमध्ये लता मंगेशकर दिसत आहेत खूपच कमकुवत
व्हिडिओमध्ये लता मंगेशकर खूपच कमकुवत दिसत आहेत. त्यांना चालायलाही त्रास होत आहे. त्यामुळे दोन नर्स त्यांना शेजारी चालायला मदत करताना दिसत आहेत. हा व्हिडिओ पाहून चाहत्यांचे डोळे पाणावले आहेत. लता मंगेशकर यांना गेल्या महिन्यात रुग्णालयात दाखल करण्यात आले होते.
लता दीदींच्या निधनामुळे चाहते बुडाले शोकसागरात
लता मंगेशकर यांच्या आत्म्याला शांती मिळावी यासाठी त्यांचे चाहते प्रार्थना करत आहेत. कोरोनाची बाधा झाल्यानंतर त्यांची प्रकृती खूपच बिघडली होती. लता मंगेशकर यांना न्यूमोनिया झाल्याचे सांगण्यात येत होते. यानंतर त्यांना व्हेंटिलेटरवर ठेवण्यात आले होते. यादरम्यान त्या बऱ्याही होऊ लागल्या आणि त्यांची प्रकृतीही सुधारत होती.
लता मंगेशकर यांचा शेवटचा व्हिडिओ
अनेकवेळा चाहत्यांना दीदींच्या घरच्यांकडून निरोप आला की, दीदी लवकर बऱ्या होतील, कारण त्या बऱ्या होत आहेत. यादरम्यान सोशल मीडियावर काही नकारात्मक पोस्टही करण्यात आल्या. त्यानंतर चाहत्यांनी अफवांवर लक्ष देऊ नका आणि विश्वास ठेवा, असे लतादीदींच्या कुटुंबीयांच्या वतीने पुन्हा निवेदन जारी करण्यात आले. पण त्यानंतर महिनाभर जिवंत राहिल्यानंतर ६ फेब्रुवारीला लता मंगेशकर यांचे निधन झाले. लता मंगेशकर यांनी वयाच्या ९२ व्या वर्षी अखेरचा श्वास घेतला.
हेही वाचा :
- ‘माझे स्वप्न अपूर्ण राहिले’, लता दीदींबद्दल बोलताना ‘हा’ चित्रपट निर्माता भावूक
- जेवढ्या चांगल्या सवयी तितका यशस्वी माणूस! असा होता लता मंगेशकर यांचा दिनक्रम
- …म्हणून कॅटरिना कैफने थेट दाबला सलमान खानचा गळा, पाहा संपूर्ण व्हिडिओ
