रोजच्या धकाधकीच्या आयुष्यात जगताना सामान्य व्यक्तींना बऱ्याच अडचणींचा सामना करावा लागतो. त्यातही महत्त्वाचं असतं ते म्हणजे, चोरीमारी करणाऱ्यांपासून सावध राहणे. हातावर पोट असलेल्या लोकांच्या वस्तूंची चोरी झाली, तर त्यांना किती त्रास होत असेल, याचा अंदाज न लावलेलाच बरा. पण जर असे कलाकारांसोबत झाले तर…? सामान्य लोकांसोबतच कधीकधी कलाकारांनाही चोरी करणाऱ्यांचा सामना करावा लागतो. असे काही कलाकार आहेत, ज्यांच्यासोबत सुरक्षारक्षक असूनही त्यांना स्वत:ला चोरांपासून वाचवता आले नाही. काही कलाकारांची स्थिती इतकी खराब झाली होती की, ते एकदम कंगाल झाले होते. चला तर जाणून घेऊया…
अजय देवगण
या यादीत अव्वलस्थानी आहे सुपरस्टार अजय देवगण (Ajay Devgn). अजयने जेव्हा आपल्या घरात सफाई कामगारांकडून साफसफाई केली होती, तेव्हा त्याच्या घरातून ५ लाख रुपये किंमतीच्या काजोलच्या १४ सोन्याच्या बांगड्या घरातून चोरी झाल्या होत्या. या चोरीमध्ये घरात काम करणाऱ्या गायत्री देवेंद्र आणि संतोष पांडे यांचे नाव समोर आले होते. यामुळे अजयला चांगलाच फटका बसला होता.
हंसल मेहता
प्रसिद्ध दिग्दर्शक हंसल मेहता (Hansal Mehta) यांच्यासोबतही चोरीची घटना घडली होती. त्यांनी सांगितले होते की, युरोप ट्रिपदरम्यान त्यांचे एटीएम कार्ड्स आणि रोख रक्कम चोरी झाली होती. त्यांची हालत इतकी खराब झाली होती की, त्यांच्याकडे हॉटेलला जाण्यासाठी पैसेही नव्हते.
शिल्पा शेट्टी
अभिनेत्री शिल्ला शेट्टी (Shilpa Shetty) हीदेखील या यादीत सामील आहे. अजय देवगणसारखी तिच्या घरीदेखील चोरी झाली होती. तिच्या घरातून म्युझिक सिस्टीम आणि आयपॉड गायब झाला होता.
सोनम कपूर
अभिनेत्री सोनम कपूर (Sonam Kapoor) हिच्यासोबत जे काही घडले, त्याचा कुणी स्वप्नातही विचार केला नसेल. सोनमच्या घरातून थेट तिचा किंमती हिऱ्यांचा हार चोरी झाला होता. या हिऱ्याची किंमत तब्बल ५ लाख रुपये होती. यासाठी तिने पोलीस स्टेशनमध्ये तक्रारही दाखल केली होती.
सुष्मिता सेन
अभिनेत्री सुष्मिता सेन (Sushmita Sen) हिच्यासोबतही चोरीची घटना घडली आहे. जेव्हा अभिनेत्री अथेन्स विमानतळावर पोहोचली होती, तेव्हा काही चोरांनी तिचे सर्व सामान चोरले होते. सुष्मिता जेव्हा भारतात परतली, तेव्हा तिची स्थिती खूपच खराब झाली होती.
अन्नू कपूर
शंभरहून अधिक सिनेमात काम करणारे अभिनेते अन्नू कपूर (Annu Kapoor) यांच्यासोबतही चोरीची घटना घडली होती. ते फ्रान्सला गेले होते. एका चोराने त्यांची बॅग हिसकावून नेली होती. त्यामध्ये आयपॅड, क्रेडिट कार्ड आणि काही रोख रक्कम हेदेखील होत्या. या घटनेनंतर अन्नू कपूर यांनी व्हिडिओदेखील शेअर करत संताप व्यक्त केला होता.
दैनिक बोंबाबोंबचा व्हाट्सअप ग्रूप जॉईन करण्यासाठी या लिंकवर क्लिक करा
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
हेही वाचा-
- लग्न आणि प्रेग्नंसीनंतर अभिनेत्रींचं करिअर खरंच होतं का बर्बाद? टाका एक नजर
- प्रेमासाठी कंगणाने ‘या’ अभिनेत्याचा मारही खाल्लाय? जाणून घ्या बॉलिवूडमधील ‘हे’ रंजक किस्से
- माजी पंतप्रधान अटलबिहारी वाजपेयींचा जीवनपट उलगडणार रुपेरी पडद्यावर, ‘या’ दिवशी चित्रपट होणार प्रदर्शित
