90 च्या दशकातील सुपरस्टारपैकी एक गोविंदा दीर्घकाळापासून चित्रपटांपासून दूर असला तरी अनेकदा तो कोणत्या ना कोणत्या कारणाने चर्चेत येतो. अलीकडेच तो विमानतळावर दिसला, ज्याचा व्हिडिओ सोशल मीडियावर मोठ्या प्रमाणात व्हायरल होत आहे. या व्हिडिओमध्ये एक नाही तर दोन गोविंदा दिसत आहेत. त्यामुळेच हा व्हिडिओ लोकांमध्ये चर्चेचा विषय ठरला आहे.
विमानतळावर दिसला गाेवंदाचा हमशक्ल
हा व्हिडिओ एका पॅपराझीने पोस्ट केला आहे. व्हिडिओमध्ये गोविंदा (govinda) विमानतळावर कारमधून खाली उतरल्याचे दिसत आहे. यावेळी त्याच्यासोबत त्याची पत्नीही दिसत आहे. अशात गोविंदाचा हमशक्ल त्याच्यासाठी फुलांचा गुच्छ घेऊन भेटायला येतो. आपल्या आवडत्या अभिनेत्याला पाहून तो लगेच त्याच्या पायाला स्पर्श करतो. यादरम्यान, तो गोविंदाला सांगतो की, दोघेही 23 वर्षांपूर्वी भेटले होते. तो त्यांना त्याच्या फोनवरचा फोटोही दाखवतो. हे सर्व पाहून गोविंदाच्या चेहऱ्यावर हसू येते.
View this post on Instagram
व्हिडिओवर चाहत्यांनी केल्या भन्नाट कमेंट
हा व्हिडिओ समोर आल्यानंतर सोशल मीडियावर लोकांच्या भन्नाट प्रतिक्रिया येऊ लागल्या आहेत. यावर कमेंट करताना एका युजरने लिहिले की, “मला तर डुप्लिकेट वाला खरा वाटला.” तर आणखी एका युजरने गंमतीत कमेंट करत लिहिले की, ‘खरा वाला तर विमानतळावरच राहिला.’ याशिवाय अनेक युजर्स या व्हिडिओवर हसणारे इमोजी शेअर करत आहेत.
View this post on Instagram
गाेविंदाचा अखेरचा चित्रपट बाॅक्स ऑफिसवर ठरला फ्लाॅप
गाेविंदाच्या वर्कफ्रंट विषयी बाेलायचे झाले तर, गोविंदा शेवटचा ‘रंगीला राजा’ चित्रपटात रुपेरी पडद्यावर दिसला होता. 2019 मध्ये प्रदर्शित झालेल्या या चित्रपटात त्याने दुहेरी भूमिका साकारली होती. मात्र, हा चित्रपट बॉक्स ऑफिसवर फ्लॉप ठरला हाेता.
दैनिक बाेंबाबाेंबचा व्हाॅटसऍप ग्रूप जाॅईन करण्यासाठी येथे क्लिक करा
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
हेही वाचा-
‘विचार केला होता गर्लफ्रेंडसोबत चित्रपट पाहिण, पण…’, चाहत्याच्या प्रश्नाचे शाहरुखने दिले लक्षवेधी उत्तर
मुंबई पोलिसांच्या ‘या’ कामावर सलमान खान झाला खूश; म्हणाला, ‘बाल तस्करी हा…’
