बिग बॉसचा आणखी एक सीझन पूर्ण झाला. रविवारी (३० जानेवारी) बिग बॉस १५ चा ग्रँड फिनाले झाला. त्याचवेळी बिग बॉस १५ ट्रॉफीवर शोची बबली मेंबर असलेल्या तेजस्वी प्रकाशने आपले नाव कोरले. प्रतीक सहजपाल फर्स्ट रनअप ठरला, तर करण कुंद्रा पहिल्या ३ मध्ये राहिला. करणला पूर्ण आशा होती की, तो बिग बॉस ट्रॉफी जिंकेल, परंतु मतांच्या कमतरतेमुळे त्याला टॉप २ मधून बाहेर पडावे लागले. ‘बिग बॉस १५’ची ट्रॉफी जिंकल्यानंतर तेजस्वी प्रकाशने कुटुंब आणि चाहत्यांचे तसेच करण कुंद्राचे आभार मानले. पण पराभवाचे दुःख करणच्या डोळ्यात स्पष्ट दिसत होते.
सोमवारी (३१ जानेवारी) सकाळी करणने ट्विटरवर आपली व्यथा मांडली. त्याने लिहिले की, “माझ्या प्रवासात तुम्ही सर्वांनी माझ्यावर केलेल्या प्रेमाबद्दल तुम्हा सर्वांचे खूप खूप आभार. उशीरा ट्वीट केल्याबद्दल क्षमस्व. आज माझा बर्‍याच गोष्टींवरील विश्वास उडाला आहे, परंतु आशा आहे की, स्वतःवर नाही.”
A big big biggggg thank you to each and everyone of you for all the love and support and kindness that you showered on me throughout my journey.. sorry for the late tweet.. Lost faith in a lot of things today but hopefully not in myself.. you’ve stood by me like a rock
— Karan Kundrra (@kkundrra) January 31, 2022
करणने पुढे लिहिले की, “तुम्ही माझ्या पाठीशी खडकाप्रमाणे उभे राहिलात. जे घडले त्यातून सावरण्यासाठी मला वेळ लागू शकतो, परंतु मी तुम्हाला खात्री देतो की, मी करेन आणि मी तुम्हाला वचन देतो की, मी तुम्हाला निराश करणार नाही. आता पुन्हा कधीच नाही, तुम्हा सर्वांचे खूप खूप आभार!” करणच्या या ट्विटवर त्याच्या चाहत्यांनी उत्स्फूर्त प्रतिक्रिया दिल्या आहेत. काही चाहत्यांनी त्याला खरा विजेता देखील म्हटले आहे. त्याचबरोबर काही लोकांनी बिग बॉसच्या शोला पक्षपाती म्हटले आहे.
I might take time to recover from what happened but I assure you I will.. and I promise you I will not disappoint you.. never again.. thank you my family!!!
— Karan Kundrra (@kkundrra) January 31, 2022
करण कुंद्राने आपल्या करिअरची सुरुवात टीव्ही इंडस्ट्रीतून केली होती. त्याचा पहिला शो ‘कितनी मोहब्बत है’ सुपरहिट ठरला. करण ‘कितनी मोहब्बत है’, ‘जरा नचके देखा’, ‘बेताब दिल की तमन्ना’ यांसारख्या अनेक मालिकांमध्ये दिसला आहे. तो ‘रोडीज’मध्ये दिसला आहे.
हेही वाचा :
- ‘तुमचा वेळ वाया घालवू नका’, असे म्हणत विक्रम गोखले यांनी टेलिव्हिजनवरील मालिकांवर साधला निशाणा
- ‘आणखी एक मुलगी लढ्यासाठी सज्ज!’, प्रियांका गांधीसोबत फोटो शेअर करत राणी चॅटर्जीने केली मोठी घोषणा
- ऋतिक रोशनसोबत दिसणारी ‘मिस्ट्री गर्ल’ सबा आझाद कोण तरी आहे? समोर आली ‘ही’ माहिती
