बॉलिवूड अभिनेत्री कॅटरिना कैफ आणि विक्की कौशल यांच्या प्रेमाच्या चर्चा सर्वत्र केल्या जात आहेत. दोघांनीही आपले प्रेम अधिकृतरित्या जाहीर केले नसले, तरी देखील बॉलिवूडमध्ये त्यांच्या जवळीकीबद्दल अनेक चर्चा होत आहेत. विक्की कौशलचा चित्रपट ‘सरदार उधम’ आज ओटीटी प्लॅटफॉर्मवर प्रदर्शित झाला आहे. प्रत्येकजण या चित्रपटाची आतुरतेने वाट पाहत होता. चाहत्यांना हा चित्रपट खूप आवडत आहे. शुक्रवारी चित्रपटाचे विशेष स्क्रीनिंग आयोजित करण्यात आले होते. तेथे अनेक बॉलिवूड कलाकारांपैकी कॅटरिना कैफने देखील हजेरी लावली होती. तिने नुकताच आता चित्रपटाचा रिव्ह्यू दिला आहे.
कथित बॉयफ्रेंड विक्कीच्या कामाने कॅटरिनाच्या हृदयाला स्पर्श झाला आहे. हेच कारण आहे की, ती ‘सरदार उधम’ चित्रपटाचे कौतुक करून थकत नाही. चित्रपट पाहिल्यानंतर कॅटरिनाने तिच्या इंस्टाग्राम स्टोरीवर आपला रिव्ह्यू दिला आहे.
‘सरदार उधम’ मधील विक्कीचे पोस्टर शेअर करत तिने लिहिले की, ‘सुजित सरकार, काय व्हिजन आहे तुमचे, काय सुंदर चित्रपट होता, कथा अतिशय सुंदरपणे मांडली आहे. विक्की एक प्युअर टॅलेंट आहे. प्रामाणिक आणि हृदय तोडणारा चित्रपट.”
कॅटरिना आणि विक्कीच्या अफेअरबद्दल बोलायचं झालं, तर दोघांनीही आपल्या अफेअरची अद्याप पुष्टी केलेली नाही. तरीही दोघे अनेकदा एकमेकांना भेटतात आणि एकत्र वेळ घालवतात अशा चर्चा सुरू आहेत. कॅटरिना आणि विक्की अलीकडेच ‘शेरशाह’च्या स्क्रीनिंगमध्ये एकत्र दिसले होते.
‘सरदार उधम’ चित्रपटाबद्दल बोलायचं झालं, तर हा जालियनवाला बाग हत्याकांडाचा बदला घेणाऱ्या स्वातंत्र्यसैनिक उधम सिंग यांच्या जीवनावर बेतलेला असून, ज्याला जालियनवाला हत्याकांडाचा बदला घ्यायचा आहे. या चित्रपटाचे दिग्दर्शन सुजित सरकार यांनी केले आहे. १९१९ च्या जालियनवाला हत्याकांडासाठी पंजाबचे माजी लेफ्टनंट गव्हर्नर मायकल ओ’डायर जबाबदार होते. याला मारण्यासाठी उधम सिंग कशा पद्धतीने त्यांचे काम करतात हे या सिनेमात दाखवण्यात आले आहे.
दैनिक बोंबाबोंचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
–सनी आणि बॉबी या सावत्र मुलांसोबत कसे आहे हेमा मालिनी यांचे नाते, स्वतः ड्रीमगर्लनेच केला होता खुलासा
–अखेर प्रतीक्षा संपली! अक्षय कुमारचा बहुप्रतीक्षित सूर्यवंशी ‘या’ दिवशी चित्रपटगृहांमध्ये करणार धमाका
–नुसरत जहाँ अन् यश दासगुप्ताने गुपचूप उरकलंय लग्न? पुन्हा दिली अभिनेत्रीने ‘हिंट’
