प्रसिद्ध बॉलिवूड अभिनेता मिथुन चक्रवर्ती यांचा मुलगा महाअक्षय चक्रवर्ती अडचणीत सापडला आहे. त्याच्याविरुद्ध मुंबईच्या ओशिवरा पोलीस स्टेशनमध्ये बलात्कार आणि गर्भपात प्रकरणी गुन्हा दाखल करण्यात आला आहे. याबाबतीत मिथुन यांची पत्नी योगिता बालीवरही आरोप लावण्यात आले आहेत. हा आरोप चित्रपटसृष्टीत काम करणाऱ्या एका अभिनेत्री- मॉडेलने लावला आहेत.
माध्यमातील काही वृत्तांनुसार, पीडित अभिनेत्रीने आपल्या एफआयआरमार्फत सांगितले की, ती आणि महाअक्षय २०१५ पासून रिलेशनशीपमध्ये होते. २०१५मध्ये महाअक्षयने पीडितेला घरी बोलावले आणि सॉफ्ट ड्रिंकमधून नशेच्या गोळ्या दिल्या. यादरम्यान महाअक्षयने पीडितेच्या परवानगी शिवाय तिच्याशी शारीरिक संबंध ठेवले आणि त्यानंतर अनेक वेळा लग्न करण्याचे आमिष दाखवले. सोबतच त्याने लग्न करण्याचे वचन देत अनेक वेळा तिच्याशी शारीरिक संबंध ठेवले.
महाअक्षयवर असा गुन्हा आहे की, यानंतर जवळपास ४ वर्षांपर्यंत त्याने पीडितेशी शारीरिक संबंध बनविले. सोबतच पीडितेचा मानसिक छळही केला. एफआयआरनुसार, जेव्हा पीडित अभिनेत्री प्रेग्नेंट झाली, तेव्हा महाअक्षयने तिच्यावर जबरदस्तीने गर्भपात करण्यासाठी दबाव आणत राहिला. जेव्हा पीडितेने त्याचे ऐकले नाही, त्यानंतर त्याने औषध देऊन गर्भपातही केला. पीडितेचे असे म्हणणे आहे की, तिला देण्यात येणारे औषध हे गर्भपाताचे आहे, हे तिला माहिती नव्हते.
पीडितेने महाअक्षयची आई पत्नी योगिता बालीवर तक्रार केल्यानंतर धमकी आणि प्रकरण मागे घेण्यासाठी दबाव आणल्याचा आरोप केला आहे. महाअक्षय आणि योगिता बालीविरुद्ध कलम ३७६ (२) (एन) (एका महिलेवर वारंवार बलात्का करणे), ३२८ (विष किंवा इतर माध्यमातून तिला जखमी करणे), ४१७ (फसवणूक), ५०६ (धमकी देणे), ३१३ (महिलेच्या संमतीशिवाय गर्भपात) आणि कलम ३४ अन्वये गुन्हा दाखल केला आहे. पीडितेने न्यायालयाचा दरवाजा ठोठावला आहे. दिल्लीतील एका न्यायालयाच्या आदेशानंतर हा गुन्हा दाखल करण्यात आला आहे.
