बॉलिवूड सुपरस्टार शाहरुख खान हा ‘पठाण‘ या आगामी सिनेमामुळे भलताच चर्चेत आहे. त्याचा हा सिनेमादेखील रिलीजपूर्वीच वातावरण गरम करत आहे. या सिनेमातून शाहरुख 4 वर्षांनंतर रुपेरी पडद्यावर पुनरागमन करत आहे. मागील काही दिवसांपूर्वी त्याच्या या सिनेमाला ‘बेशरम रंग’ गाण्यामुळे टीकेचा सामना करावा लागला. अशातच आता अभिनेता शाहरुख खान याने त्याच्या सिनेमाला डिझास्टर (फ्लॉप) म्हणणाऱ्या एका युजरला सडेतोड प्रत्युत्तर दिले आहे.
शाहरुख खान (Shahrukh Khan) याने बुधवारी (दि. 04 जानेवारी) ट्विटरवर एक सेशन ठेवले होते. यादरम्यान त्याने ‘पठाण’ (Pathaan) या आगामी सिनेमासोबतच स्वत:शी निगडीत चाहत्यांच्या अनेक प्रश्नांची उत्तरे दिली. सेशनदरम्यान एका युजरने ‘पठाण’ सिनेमाला डिझास्टर म्हणत लिहिले की, “पठाण आधीपासूनच डिझास्टर आहे, निवृत्ती घे.”
Beta badhon se aise baat nahi karte!! https://t.co/G5xPYBdUCK
— Shah Rukh Khan (@iamsrk) January 4, 2023
शाहरुखने दिले उत्तर
युजरच्या या ट्वीटनंतर शाहरुखने त्याला प्रत्युत्तर दिले आणि म्हटले की, “बेटा बड़ों से ऐसी बात नहीं करते.” म्हणजेच, मोठ्यांशी अशाप्रकारे बोलत नाहीत. शाहरुख ज्याप्रकारे कोणत्याही प्रश्नाचे उत्तर देतो, त्याची पद्धत चाहत्यांनी खूपच भावते. तसेच, त्याचा अंदाजही चाहत्यांना खूप आवडतो. एका युजरने त्याच्या या उत्तराच्या खाली कमेंट करत लिहिले की, “ही झाली ना किंगवाली गोष्ट.” आणखी एकाने असे म्हटले की, “वाह.”
Ye hui na King Khan wali baat????????
— Shubham Dutt (@shubhamdutt13) January 4, 2023
शाहरुखचा सिनेमा कधी होणार रिलीज?
शाहरुखच्या सिनेमाबद्दल बोलायचं झालं, तर ‘पठाण’ हा सिनेमा मागील काही दिवसांपासून जोरदार चर्चेत आहे. हा सिनेमा येत्या 25 जानेवारी रोजी चित्रपटगृहात रिलीज होणार आहे. त्यापूर्वी 10 जानेवारी रोजी या सिनेमाचा ट्रेलर रिलीज केला जाणार आहे. 2 नोव्हेंबर रोजी या सिनेमाचा टीझर जारी करण्यात आला होता.
शाहरुख शेवटचा 2018मध्ये ‘झिरो’ या सिनेमात झळकला होता. या सिनेमाने बॉक्स ऑफिसवर फ्लॉप कामगिरी केली होती. या सिनेमात त्याच्यासोबत अनुष्का शर्मा आणि कॅटरिना कैफ यांचाही समावेश होता. आता त्याच्या ‘पठाण’ या सिनेमासाठी चाहत्यांची उत्सुकता शिगेला पोहोचली आहे. (actor shah rukh khan replied fans who said pathaan disaster)
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
दैनिक बोंबाबोंबचा व्हॉट्सऍप ग्रूप जॉईन करण्यासाठी येथे क्लिक करा
हेही वाचा-
अतरंगी फॅशन्सन्समुळे नावारूपाला आलेल्या उर्फीने सहन केले वडिलांचे खालच्या पातळीवरचे टॉर्चर
सोनूने चालत्या ट्रेनच्या दरवाजात बनवला व्हिडिओ; रेल्वेने समाचार घेत म्हटले, ‘चाहत्यांपर्यंत चुकीचा…’
