सन २०१२ मध्ये प्रदर्शित झालेल्या ‘स्टुडंट ऑफ द इअर’ चित्रपटातून बॉलिवूडमध्ये पदार्पण करणारी अभिनेत्री म्हणजेच आलिया भट्ट होय. आलियाने मागील ९ वर्षात २५ पेक्षा अधिक चित्रपटात काम केले आहे. यादरम्यान तिने आपल्या अभिनयाने एक वेगळीच ओळख निर्माण केली आहे. सौंदर्यवती आलिया अभिनयाव्यतिरिक्त सोशल मीडियावरही चांगलीच सक्रिय असते. आलिया आपल्या सोशल मीडिया अकाऊंटवर फोटो आणि व्हिडिओ शेअर करत असते. तिच्या प्रत्येक पोस्टला चाहत्यांकडून भरभरून प्रेम मिळते. ती नेहमीच आपल्या व्यावसायिक आयुष्यासोबतच वैयक्तिक आयुष्यामुळेही चर्चेत असते. अशातच आता तिच्या ताज्या पोस्टने सर्वांचे लक्ष वेधले आहे, ज्यामुळे ती पुन्हा एकदा चर्चेत आली आहे.
आलियाने अधिकृत इंस्टाग्राम अकाऊंटवर शेअर केलेल्या ताज्या फोटोंमध्ये ती सायंकाळचा आनंद लूटताना दिसत आहे. फोटोत अतिशय नयनरम्य दृश्य पाहायला मिळत आहे. (Actress Alia Bhatt Instagram Photo Captions All I Need Is Sunsets And You Taking My Picture)
आलियाची पोस्ट
हे फोटो शेअर करून आलियाने कॅप्शनमध्ये लिहिले की, “मला फक्त सायंकाळ आणि तू पाहिजे… माझे फोटो काढण्यासाठी.” यासोबतच अभिनेत्रीने आपल्या कॅप्शनमध्ये तीन इमोजींचाही समावेश केला आहे. तिच्या या पोस्टला ५ तासांच्या आतच ७ लाखांपेक्षाही अधिक लाईक्स मिळाले आहेत.
रणबीरने केलाय फोटो क्लिक?
आलियाच्या या पोस्टवर चाहत्यांकडून लाईक्स आणि कमेंट्सचा पाऊस पडत आहे. अनेक युजर्स असे म्हणत आहेत की, आलिया कॅप्शनमध्ये रणबीरबद्दल बोलत आहे. तसेच हा फोटोही रणबीरनेच क्लिक केला आहे. तरीही याबाबत काहीही स्पष्टपणे सांगता येऊ शकत नाही.
आलियाचे आगामी कामकाज
आलियाची गणना टॉपच्या अभिनेत्रींमध्ये केली जाते. तिच्या आगामी कामाबद्दल बोलायचं झालं, तर तिच्या खात्यात ‘आरआरआर’, ‘गंगूबाई काठियावाडी’, ‘ब्रह्मास्त्र’ यांसारख्या चित्रपटांसोबतच ‘रॉकी और राणी की प्रेम कहाणी’ यांचाही समावेश आहे.
याव्यतिरिक्त ‘डार्लिंग्स’ चित्रपटाच्या शूटिंगलाही आलियाने सुरुवात केली आहे.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
