खूप कमी काळात बॉलिवूडमध्ये आपल्या अभिनयाचा डंका वाजवणाऱ्या अभिनेत्रींमध्ये आलिया भट्ट हिच्या नावाचा आवर्जुन समावेश होतो. तिने सन २०१२मध्ये प्रदर्शित झालेल्या ‘स्टुडंट ऑफ द इअर’ या सिनेमातून बॉलिवूड पदार्पण केले होते. ती नेहमीच तिच्या वैयक्तिक आणि व्यावसायिक आयुष्यामुळे चर्चेत असते. आलियाने नुकतीच तिच्या प्रेग्नंसीची बातमी देऊन चाहत्यांना सुखद धक्का दिला होता. अशात आता तिने तिच्या आगामी सिनेमाचा टिझर प्रदर्शित केला आहे. या सिनेमासाठी चाहत्यांची उत्सुकता शिगेला पोहोचली आहे.
टिझरमध्ये आहे तरी काय?
अभिनेत्री आलिया भट्ट (Alia Bhatt) हिच्या आगामी सिनेमाचं नाव ‘डार्लिंग्स’ असे आहे. या सिनेमाचा टिझर प्रदर्शित करण्यात आला आहे. या टिझरची सुरुवात आलिया आणि विजय वर्मा (Vijay Varma) यांनी होते. दोघेही एकमेकांना भेटतात आणि प्रेमात डुंबून जातात. विशेष म्हणजे, या सिनेमात आलियाच्या आईचे पात्र शेफाली शाह (Shefali Shah) यांनी साकारले आहे. आलिया आणि विजय आईच्या आशीर्वादाने लग्न करतात. मात्र, त्यांची कथा इथेच संपत नाही, तर सिनेमाची खरी कथा इथूनच सुरू होते.
View this post on Instagram
या टिझरमध्ये दिसते की, आलिया तिची आणि विजयची स्टोरी एका बेडूक आणि विंचूशी तुलना करत सांगत आहे. यानंतर त्यांचे लग्न होते आणि लग्नानंतर विजय आलियावर संशय घेऊ लागतो. त्याला असे वाटते की, आलियाचे बाहेर कुणासोबत तरी अफेअर आहे. पुढे व्हिडिओच्या शेवटी आलियाचा भलताच अवतार पाहायला मिळतो.
चाहत्यांकडून व्हिडिओवर स्तुतीसुमने
हा व्हिडिओ शेअर करत आलिया भट्ट हिने लिहिले की, “डार्लिंग्स, हा तर फक्त टिझर आहे. आम्ही ५ ऑगस्ट रोजी नेटफ्लिक्सवर येत आहोत.” आलियाच्या चाहत्यांना तिच्या आगामी सिनेमाचा टिझर भलताच आवडला आहे. ते आलिया आणि तिच्या सिनेमाची कथा पाहून इम्प्रेस झाले आहेत.
View this post on Instagram
पहिल्यांदाच निर्माती बनलीय आलिया
सिनेमाविषयी बोलायचं झालं, तर या सिनेमाचे दिग्दर्शन जसमीत रीन यांनी केले आहे. विशेष म्हणजे, या सिनेमात आलियासाठी खूप खास आहे. आलियाने या सिनेमातून निर्माती म्हणून पदार्पण केले आहे. या सिनेमाबाबत बोलताना आलिया एका मुलाखतीत म्हणाली होती की, “हा सिनेमा माझ्या हृदयाच्या जवळ आहे. कारण, निर्माती म्हणून हा माझा पहिलाच सिनेमा आहे. तेही रेड चिलीजसोबत. आम्ही खूप खुश आहोत. हा सिनेमा ज्याप्रकारे तयार झाला, त्याचा आम्हाला अभिमान वाटत आहे. आशा आहे की, हा सिनेमा सर्वांचे मनोरंजन करेल.”
आलियाच्या आगामी सिनेमांबद्दल बोलायचं झालं, तर ती ‘ब्रह्मास्त्र’, ‘जी ले जरा’ आणि ‘हार्ट ऑफ स्टोन’ या सिनेमांमध्ये झळकणार आहे.
दैनिक बोंबाबोंबचा व्हाट्सअप ग्रूप जॉईन करण्यासाठी या लिंकवर क्लिक करा
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
महत्त्वाच्या बातम्या-
‘आश्रम’पूर्वी रिलीझ झालेली एमएक्स प्लेअरवरील ‘ही’ वेबसीरिज एकट्यातच पाहा, नुसता बोल्डनेसचा कहर
पतीच्या ‘या’ गोष्टीला कंटाळलेली फराह खान लग्नाच्या एका वर्षातच जाणार होती पळून, वाचा रंजक किस्सा
‘तू इतकी सेक्सी का आहेस?’, अभिनेत्री भाग्यश्री मोटेच्या फोटोंवरील चाहत्याची कमेंट वेधतेय लक्ष
