बिग बॉसच्या घरातून मोठी बातमी समोर येत आहे. तुम्हाला माहिती आहे का की, बिग बॉसच्या घरातमध्येही कोरोना व्हायरसच्या भीतीने दार ठोठावले आहे. नाही, नाही सध्या कोणालाही कोरोना झाला नाही. पण खबरदारी घेत बिग बॉसने कुटुंबातील सर्व सदस्यांची कोरोना चाचणी करून घेतली आहे. काय आहे हे संपूर्ण प्रकरण जाणून घेऊया.
देवोलीनाची झाली कोरोना चाचणी, चाहते नाराज
दावा केला जात आहे की, अनेक दिवसांपासून आजारी असलेल्या देवोलिना भट्टाचार्जीची (Devoleena Bhattacharjee) कोरोना चाचणी झाली आहे. देवोलीनानंतर निर्मात्यांनी कुटुंबातील इतर सदस्यांचीही आरटी-पीसीआर चाचणी करून घेतली आहे. कुटुंबातील सदस्यांचा कोरोना अहवाल येणे बाकी आहे. आता या बातमीत कितपत तथ्य आहे हे अद्याप स्पष्ट नाही. पण ज्याप्रकारे देशात आणि जगात कोरोनाची भीती पसरत आहे, तर त्याप्रकारे हा चिंतेचा विषय ठरत आहे.
अनेक कलाकार कोरोनाच्या विळख्यात
टीव्ही सेलेब्स आणि फिल्म स्टार्सपैकी अनेकांना आतापर्यंत कोरोनाचा फटका बसला आहे. क्वारंटाईन राहिल्यानंतर सर्व बरे झाले ही दिलासादायक बाब आहे. कोणालाही दवाखान्यात जाण्याची गरज नव्हती. बिग बॉस बद्दल बोलायचे झाले, तर सीझन १४मध्ये कोरोना शिखरावर होता. घरात जाण्यापूर्वी सर्व स्पर्धकांची कोरोना चाचणी झाली. सर्वांना क्वारंटाईनमध्ये राहावे लागले होते.
फिनाले आला आहे जवळ
सीझन १५च्या सुरूवातीस कोरोनाची प्रकरणे कमी होती. पण आता हळूहळू कोरोनाची तिसरी लाट वेगाने पसरत आहे. सीझन १५ फिनालेच्या अगदी जवळ आहे. अशा परिस्थितीत जर कुटुंबातील कोणत्याही सदस्याला कोरोना झाला असेल, तर फिनालेवर संकट येऊ शकते. तात्काळ कोणत्याही निष्कर्षापर्यंत पोहोचणे घाईघाईचे होईल. चाहते आता बिग बॉसच्या स्पर्धकांच्या कोरोना रिपोर्टची वाट पाहत आहेत. सर्व काही ठीक व्हावे अशी प्रार्थना करत आहेत.
हेही वाचा :
