बॉलिवूडमधील रोमँटिक जोडप्यांपैकी एक असलेल्या मलायका अरोरा आणि अर्जुन कपूर यांनी काही काळापूर्वीच आपले नाते अधिकृत केले आहे. हे दोघेही सध्या पॅरिसमध्ये आपल्या सुट्ट्यांचा आनंद लुटत आहेत. विशेष म्हणजे, तिथेही हे जोडपे आपल्या चाहत्यांशी जोडले आहे. ते आपल्या फोटो शेअर करत आहेत. अर्जुनने २६ जून रोजी आपला वाढदिवस साजरा केला होता. यानिमित्ताने ते एकमेकांसोबत चांगला वेळ घालवत आहेत. मात्र, आता त्यांच्या एका फोटोने सर्वांचेच लक्ष वेधले आहे.
या पोस्टमध्ये एक फोटो आहे आणि एक व्हिडिओ क्लिप आहे. एका फोटोत अर्जुन कपूर (Arjun Kapoor) याने हुडी परिधान केली आहे, तर दुसरीकडे तीच हुडी मलायका अरोरा (Malaika Arora) हिने परिधान केल्याचे दिसत आहे. अर्जुनने कॅप्शनमध्ये या गोष्टीचा उल्लेखही केला आहे.
अर्जुन कपूरची पोस्ट
अर्जुन कपूर याने त्याही ही पोस्ट शेअर करत खास कॅप्शनही दिले आहे. त्याने आपल्या कॅप्शनमध्ये लिहिले आहे की, “दिवसा माझे आणि रात्री तिचे.” या कॅप्शनसह त्याने हॅशटॅगमध्ये जंपर शेअर करणे, केअर करण्यासारखे आहे असे लिहिले आहे. यावर मलायकानेही कमेंट करत “हाहाहा… सापडली,” असे लिहिले आहे.
View this post on Instagram
मलायका अर्जुन कपूरसोबत सुट्टीवर
अर्जुन कपूर याने निळ्या रंगाची हुडी (जंपर) परिधान केली आहे. रात्री मलायका हीच हुडी परिधान करून रस्त्यावर चालताना दिसत आहे. तसेच, ती आपल्या कॅमेऱ्याने काहीतरी शूट करताना दिसत आहे. अर्जुन आणि मलायका हे पॅरिसमध्ये आहेत. मलायका ही त्याची खूपच काळजी घेणारी गर्लफ्रेंड आहे. हे अर्जुनच्या अनेक पोस्टवरून समजले आहे. अर्जुनने गिफ्टपासून ते एकसोबत जेवण करतानाचे अनेक व्हिडिओ शेअर केले आहेत. दोघेही एकमेकांसोबत चांगला वेळ घालवत आहेत.
मलायकाने केली स्वप्न पूर्ण होण्याची प्रार्थना
मलायकाने अर्जुनच्या वाढदिवशी त्याचा फोटो शेअर केला होता. त्यासोबतच तिने कॅप्शनमध्ये लिहिले होते की, “हवी ती इच्छा माग, देव तुझी सर्व स्वप्ने पूर्ण करो.” या पोस्टवर करिश्मा कपूर, मनीष मल्होत्रा आणि करण जोहरसोबत अनेक कलाकारांनी शुभेच्छा दिल्या होत्या.
विशेष म्हणजे, मलायका आणि अर्जुनमध्ये ११ वर्षांचे अंतर आहे. मलायका ही ४८ वर्षांची आहे, तर अर्जुन हा ३७ वर्षांचा आहे. त्यांच्या वयातील अंतरामुळे नेटकरी त्यांना ट्रोल करतात. मात्र, याचा त्यांच्यावर काहीच फरक पडत नाही.
दैनिक बोंबाबोंबचा व्हाट्सअप ग्रूप जॉईन करण्यासाठी या लिंकवर क्लिक करा
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
हेही वाचा-
