बॉलिवूडच्या हॉट अभिनेत्रींपैकी एक असलेली अभिनेत्री मल्लिका शेरावत सोशल मीडियावर प्रचंड सक्रिय असते. ती सतत तिचे फोटो आणि व्हिडिओ चाहत्यांबरोबर शेअर करत असते. त्यासह ती सतत चित्रपटांदरम्यान घडलेले अनेक मजेशीर किस्से सांगत असते. मल्लिका शेरावतने एका लाईव्ह शो दरम्यान चित्रपटाशी संबंधित असाच एक किस्सा सांगितला, ऐकून तुम्हीही थक्क व्हाल. एकदा निर्मात्याने तिच्यासमोर एक विचित्र मागणी ठेवली होती, ज्याचा तिने खुलासा केला आहे. चला तर मग जाणून घेऊया मजेशीर किस्सा.
निर्मात्याने केली होती विचित्र मागणी
मल्लिकाने एका मुलाखतीदरम्यान धक्कादायक खुलासा केला. तिने सांगितले की, एक निर्माता तिच्याकडे एक विचित्र कल्पना घेऊन आला होता, जो एका गाण्याच्या सीक्वेन्सबद्दल होता. मल्लिका म्हणाली की, “निर्मात्याने मला सांगितले की, हे एक मोठे हॉट गाणे आहे. तू किती हॉट आहेस हे प्रेक्षकांना कसे कळणार? तू इतकी हॉट आहेस की, मी तुझ्या कंबरेवर चपाती भाजू शकतो.” मल्लिका म्हणाली की, “किती विचित्र. तुम्ही कधी असे काही पाहिले आहे का?”
मल्लिका शेरावत संतापली
निर्मात्याच्या या बोलण्याने मल्लिका संतापली. ती म्हणाली की, “नाही, मी असे काही करत नाही. ती म्हणाली की, “भारतात हॉटचा अर्थ काय समजला जातो, हे मला समजत नाही. मला वाटते भारतातील महिलांसाठी हॉटनेसबद्दल एक विचित्र धारणा आहे. मला ते समजू शकत नाही. अर्थात आता ते बरे आहे, पण जेव्हा मी माझ्या करिअरला सुरुवात केली तेव्हा ते खूप विचित्र होते.”
‘नकाब’ सीरिजमध्ये दिसली होती मल्लिका
मल्लिका शेरावतच्या वर्कफ्रंटबद्दल बोलायचे झाले, तर ती अलीकडेच एमएक्स प्लेयरच्या ‘नकाब’ या सीरिजमध्ये दिसली होती. ईशा गुप्ता आणि गौतम रोडे यांनीही या मालिकेत काम केले होते. मल्लिकाने चित्रपटांमध्ये प्रवेश करण्यासाठी खूप संघर्ष केला आहे. ‘मर्डर’, ‘शादी से पहले’, ‘वेलकम’, ‘डबल धमाल’, ‘किस्मत लव पैसा’ आणि ‘डर्टी पॉलिटिक्स’ यांसारख्या चित्रपटात तिने काम केले आहे.
दैनिक बोंबाबोंबचे टेलिग्राम चॅनेल जॉइन करण्यासाठी येथे क्लिक करा…
