अभिनेत्री आणि तृणमूल काँग्रेस पक्षाची खासदार नुसरत जहाँ तिच्या व्यावसायिक आयुष्यासोबतच वैयक्तिक आयुष्यामुळेही चर्चेत असते. निखिल जैनपासून वेगळे होऊन मुलाला जन्म दिल्यानंतर ती सध्या अभिनेता यश दासगुप्तासोबत रिलेशनशिपमध्ये आहे. दोन महिन्यांपूर्वी आई झालेली नुसरत आता काश्मीरमध्ये यशसोबत एन्जॉय करत आहे. ती सोशल मीडियावर देखील खूप सक्रिय असते. ती सतत आपले नवनवीन फोटो चाहत्यांबरोबर शेअर करत असते. तिने नुकतेच आता आपले काही फोटो सोशल मीडियावर शेअर केले आहेत, जे तुफान व्हायरल होत आहेत.
नुसरतने शेअर केलेल्या फोटोमध्ये तिने काश्मीरी कपडे परिधान केले आहेत. ज्यात ती प्रचंड सुंदर दिसत आहे. तिने हे फोटो शेअर करून लक्षवेधी कॅप्शनही दिले आहे. आपल्या इंस्टाग्राम अकाऊंटवर नवीन फोटो शेअर करत नुसरतने कॅप्शनमध्ये “कश्मीर की कली,” असे म्हटले आहे. यासोबतच तिने फोटो क्रेडिट यश दासगुप्ताला दिले आहे. यासोबतच तिने अनेक इमोजीही शेअर केले आहेत. तिच्या या फोटोंना ६० हजारांपेक्षाही अधिक लाईक्स मिळाले आहेत.
यश दासगुप्ताने काढला नुसरतचा फोटो
नुसरतच्या लूकबद्दल बोलायचे झाले, तर पहिल्या आणि दुसऱ्या फोटोत ती हातात फुलं घेऊन हसत असल्याचे पाहायला मिळत आहे. तिसऱ्या फोटोत ती हातात हुक्का घेऊन बाजूला पाहत आहे. ओठांवर गुलाबी लिपस्टिक, ग्लोइंग हायलाइट मेकअप आणि तपकिरी भुवया तिला परफेक्ट बनवत आहेत. डोक्यावर गुलाबी काश्मीरी चुनरी घातलेल्या लाल सूटमध्ये ती अजूनच सुंदर दिसत आहे. फोटोत ती खरोखरच काश्मीरच्या कळीसारखी दिसत आहे.
यश दासगुप्ताच्या वाढदिवसादिवशी आणि नंतर विजयादशमीच्या निमित्ताने विवाहित बंगाली महिलांनी घातलेल्या शाखा पोळ्यानंतर नुसरत पुन्हा एकदा स्वतःच्या एका फोटोमुळे चर्चेत आली आहे. या फोटोत नुसरत बर्फाच्या पहाडांवर बर्फाचा आनंद घेत आहे. या फोटोत तिने हातात छत्रीही घेतली आहे.
याआधी हा रोमँटिक व्हिडिओ झाला होता व्हायरल
यश दासगुप्तासोबत नुसरत जहाँ सध्या काश्मीरमध्ये आहे. अलीकडेच, तिने एक व्हिडिओ शेअर केला आहे. ज्यामध्ये दोघे बोटीवर एकमेकांचा हात धरताना दिसत आहेत.
मात्र, व्हिडिओमध्ये दोघांचेही चेहरे दिसत नव्हते. आता रोमँटिक व्हिडिओ शेअर केल्यानंतर तिने तिचा काश्मीरी लूक दाखवला आहे.
दैनिक बोंबाबोंबचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-‘तुला उर्फीचा आजार चढलाय काय?’ विचित्र ड्रेसमुळे काजोल आली ट्रोलर्सच्या निशाण्यावर
-मोठा भाऊ घरी येण्याच्या बातमीने अबराम खान झाला भलताच खुश, व्हिडिओ होतोय जोरदार व्हायरल
