आपल्या अभिनयाने हिंदी चित्रपटसृष्टी गाजवणारी अभिनेत्री प्रियांका चोप्राने मागील काही वर्षांमध्ये आपली एक वेगळीच ओळख निर्माण केली आहे. ती आता केवळ भारतापुरती मर्यादित न राहता ग्लोबल स्टार झाली आहे. तिच्या लोकप्रियतेचा अंदाज एका अभ्यासावरून आपल्या सर्वांना येतो. त्यानुसार प्रियांका चोप्रा जगातील सर्वाधिक मागणी असणाऱ्या कलाकारांच्या यादीत तिसऱ्या क्रमांकावर आहे. आश्चर्याची बाब म्हणजे, सर्वाधिक मागणी असणाऱ्या अव्वल १० कलाकारांच्या यादीत ‘किंग खान’ म्हणजेच शाहरुख खान पहिल्या क्रमांकावर, तर तेलुगू स्टार अल्लू अर्जुन दुसऱ्या क्रमांकावर आहे. विशेष म्हणजे, अव्वल १० कलाकारांमध्ये केवळ २ महिला अभिनेत्री आहेत, त्यापैकी प्रियांका ही एक आहे.
पॅरट ऍनालिटिक्सने २० जुलै ते १८ ऑगस्टदरम्यान हा सर्व्हे केला होता. या सर्व्हेमध्ये असा निष्कर्ष समोर आला आहे की, भारतीय कलाकार सर्वाधिक मागणी असणारे कलाकार आहेत. या यादीत इतर कलाकारांमध्ये धनुष, टॉम हिडलस्टन, दलकीर सलमान, सलमान खान, सुंग हूं, कियारा आडवाणी आणि महेश बाबू यांचाही समावेश आहे. केवळ अमेरिकेत टॉम हिडलस्टन सर्वाधिक मागणी असणारा कलाकार आहे. त्याच्यानंतर जेनिफर लोपेझचा क्रमांक लागतो. (Actress Priyanka Chopra And Kiara Advani Among Top 10 Most In Demand Actors Worldwide)
Some fun insights: when looking into worldwide demand for talent — ie, the most sought after actors globally — Indian actors make up 90% of the top 10. No US actors.
Further proof of how vital Indian talent and content is to the global streaming wars. https://t.co/JhU3mwetdz pic.twitter.com/8ViY1WHsVF
— julia alexander (@loudmouthjulia) August 26, 2021
प्रियांकाच्या हॉलिवूड कारकिर्दीविषयी बोलायचं झालं, तर आता ती, कियानू रीव्ससोबत ‘मॅट्रिक्स ४’मध्ये दिसणार आहे. हा चित्रपट ‘द मॅट्रिक्स- रिसरेक्शंस’ या शीर्षकासह चित्रपटगृहात प्रदर्शित होणार आहे.
दुसरीकडे बॉलिवूडमध्ये प्रियांका आता फरहान अख्तर दिग्दर्शित ‘जी ले जरा’ या चित्रपटात झळकणार आहे. या चित्रपटात प्रियांका कॅटरिना कैफ आणि आलिया भट्टसोबत स्क्रीन शेअर करणार आहे.
याव्यतिरिक्त प्रियांका चित्रपट प्रॉडक्शनशीही जोडली आहे. तसेच ती ड्रामा सीरिज ‘सिटॅडल’चीही शूटिंग करत आहे. याचा फोटोही तिने शेअर केला आहे.
सर्वाधिक मागणी असणाऱ्या कलाकारांच्या यादीत शाहरुख खानने अव्वल स्थान पटकावणे हैराण करणारे आहे. कारण, तीन वर्षांपासून त्याचा कोणताही चित्रपट प्रदर्शित झालेला नाही. सन २०१८ मध्ये तो शेवटचा ‘झिरो’ या चित्रपटात झळकला होता. तरीही, शाहरुख सोशल मीडियामार्फत आपल्या चाहत्यांशी जोडलेला असतो.
दुसरीकडे कियारा आडवाणी नुकतीच ऍमेझॉन प्राईम व्हिडिओवर प्रदर्शित झालेल्या ‘शेरशाह’ या चित्रपटात झळकली होती. या चित्रपटात तिच्यासोबत सिद्धार्थ मल्होत्राही मुख्य भूमिकेत आहे. चित्रपटाची खूप प्रशंसा केली जात आहे.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-अनुपम अन् किरण यांच्या लग्नाला ३६ वर्षे पूर्ण; दोघांनीही दुसऱ्यांदा बांधली होती लगीनगाठ
-‘परी म्हणू की सुंदरा, श्रुतीची अदा करी नेहमीच फिदा,’ अभिनेत्रीच्या फोटोंचा सोशल मीडियावर राडा
-मोनालिसाने ‘साड़ी के फॉल सा’ गाण्यावर लावले जोरदार ठुमके; सोनाक्षीचाही डान्स वाटेल तिच्यासमोर फिका
