‘नॅशनल क्रश’ रश्मिका मंदाना नेहमी कोणत्या ना कोणत्या कारणाने चर्चेत राहते. तिच्या चित्रपटांपेक्षा ती तिच्या वैयक्तिक आयुष्यामुळे चर्चेत असते. अभिनयासोबतच ती तिच्या सुंदरतेसाठीही ओळखली जाते. आता सध्या ती तिच्या एका व्हिडिओमुळे चर्चेत आहे. अलीकडेच तिने तिच्या सोशल मीडिया अकाऊंटवर एक व्हिडिओ शेअर केला आहे, ज्यामध्ये ती ग्रामीण महिलेच्या अवतारात दिसली आहे. अभिनेत्रीचे चाहते तिच्या या देसी लूकवर बऱ्याच प्रतिक्रिया देत आहेत.
या व्हिडिओमध्ये रश्मिका एका महिला शेतकरीच्या भूमिकेत दिसली आहे. तिने एक लांब सैल शर्ट घातलेला आहे आणि कंबरेला एक गमछा बांधलेला आहे. आता विचार करण्यासारखी गोष्ट आहे की, रश्मिकाला शेतकरी का बनावे लागले. विशेष म्हणजे, लवकरच तुम्ही तिला या लूकमध्ये पडद्यावर पाहाल.
वास्तविक, रश्मिका मंदाना सध्या तिच्या ‘सुलतान’ या आगामी अ‍ॅक्शन चित्रपटाच्या शूटिंगमध्ये व्यस्त आहे आणि हा व्हिडिओ तिच्या शूटिंगचा एक भाग आहे. चित्रपटात रश्मिका ग्रामीण महिला शेतकरी म्हणून दिसणार आहे. या व्हिडिओद्वारे अभिनेत्रीने तिची एक झलक चाहत्यांसोबत शेअर केली आहे. १५ सेकंदाच्या या इंस्टाग्राम रीलमध्ये रश्मिका एका मशीनद्वारे शेतात माती सुपीक होण्यासाठी नांगरणी करताना दिसली आहे. मजेशीर गोष्ट म्हणजे ती या भूमिकेतही खूप मजा करताना दिसत आहे.
रश्मिका मंदानाने हा व्हिडिओ शेअर करत कॅप्शनमध्ये लिहिले आहे, “व्हिडिओ पाहा आणि लक्षपूर्वक गाण्याचे बोल ऐका! जेव्हा मी हा सीन शूट करत होते, तेव्हा मला वाटले की यापेक्षा मला आणखी चांगले काही मिळणार नाही. होय अगदी बरोबर, मी हे पात्र पूर्ण आनंदात शूट केले आहे. इथे तुम्ही पाहू शकता की, मी हे काम किती मजेत केले आहे.”
व्हिडिओ सोशल मीडियावर जोरदार व्हायरल होत आहे, ज्यामध्ये अभिनेत्री मजेदार स्टाईलमध्ये शेती करताना दिसत आहे. विशेष बाब म्हणजे, हा व्हिडिओ अशा वेळी आला आहे, जेव्हा दिल्लीत शेतकरी आंदोलन सुरू आहे. अशा परिस्थितीत रश्मिकाचा हा रील व्हिडिओ खूपच पसंत केला जात आहे.
कामाबद्दल बोलायचे झाले, तर रश्मिका आणि कार्ती अभिनित ‘सुलतान’ चित्रपट लवकरच चाहत्यांच्या भेटीस येणार आहे. ज्याचे दिग्दर्शन बक्कीराज कन्नन यांनी केले आहे आणि त्यांनीच याची पटकथाही लिहिली आहे. या चित्रपटाची निर्मिती एसआर प्रकाश बाबू आणि एसआर प्रभू यांनी ड्रीम वॉरियर पिक्चर्सच्या बॅनरखाली केली आहे.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-वाथी कमिंग! भन्नाट डान्स करत अभिनेता संदिप पाठकने समाजाला दिला मोलाचा सल्ला
