सरगुन मेहता आणि रवी दुबे हे टेलिव्हिजनमधील सर्वात शक्तिशाली जोडप्यांपैकी एक आहेत. दोघांची जोडी चाहत्यांना खूप आवडते. केवळ वैयक्तिक आयुष्यातच नव्हे, तर व्यावसायिक जीवनातही ते सतत यशाची शिडी चढत असतात. आता अभिनयासोबतच दोघे निर्मातेही झाले आहेत. रवी आणि सरगुनची प्रेमकहाणी खूपच रंजक आहे. दोघांची पहिली भेट शूटिंग सेटवर झाली होती, त्यानंतर २०१३ मध्ये दोघांनी लग्न केले. प्रेमात आदर आणि विश्वास काय असते हे दोघेही त्यांच्या नात्यातून दाखवतात. रवी दुबे आणि सरगुन मेहता यांच्या लग्नाला ९ वर्षे झाली आहेत. पण १२ वर्षांपासून ते एकमेकांसोबत या सुंदर नात्यात आहेत.
सरगुन मेहताने सोशल मीडियावर रोमँटिक फोटो केले शेअर
रवी दुबेसोबतचा (Ravi Dubey) हा १२ वर्षांचा बॉन्ड साजरा करताना, पंजाबी अभिनेत्री सरगुन मेहताने तिच्या इंस्टाग्रामवर अनेक सुंदर आणि रोमँटिक फोटो शेअर केले आहेत. या फोटोंमध्ये रवी दुबे काळ्या रंगाच्या सूटमध्ये अतिशय हँडसम दिसत आहे. तर सरगुन मेहता पीच रंगाच्या साडीत आपल्या स्टाईलने सर्वांची मनं जिंकत आहे. सरगुन मेहताने शेअर केलेल्या फोटोंमध्ये वेगवेगळ्या पोझ आणि मस्ती करतानाचे अनेक फोटो आहेत. काही फोटोत रवी रोज सरगुनला देत आहे. तर काही फोटोत तो तिच्याकडे मोठ्या प्रेमाने पाहत आहे. हे फोटो शेअर करताना सरगुन मेहताने कॅप्शनमध्ये लिहिले की, “१० फोटो पण एकत्र राहून १२ वर्षे झाली आहेत. हॅप्पी १२ इअर्स बडी.”
‘या’ सेटवर पहिल्यांदा भेटले
रवी दुबे आणि सरगुन मेहता यांची पहिली भेट १२/२४ करोल बाग टीव्ही शो (वर्ष २००९) च्या सेटवर झाली. या शोमध्ये दोघांनी पती-पत्नीची भूमिका साकारली होती. या दोघांची लव्हस्टोरी खूपच रंजक आहे. तोपर्यंत दोघांनाही माहीत नव्हते की, त्यांची जोडी रील लाईफसोबतच खऱ्या आयुष्यातही तयार होणार आहे. सरगुन मेहता यांनी त्यांच्या एका मुलाखतीदरम्यान सांगितले होते की, “जेव्हा मी रवी दुबेची फर्स्ट लूक टेस्ट पाहिली तेव्हा मला वाटले की, मी या विचित्र दिसणार्‍या मुलाला भेटेन.” पण जेव्हा ती रवीला खऱ्या आयुष्यात भेटली तेव्हा ती त्याच्यापेक्षा पूर्णपणे वेगळी वाटली.
रवी-सरगुन झाले आहेत निर्माते
रवी दुबे आणि सरगुन मेहता दीर्घकाळ टीव्ही इंडस्ट्रीचा एक भाग होते. रवी दुबे अजूनही टीव्हीमध्ये सक्रिय असताना, त्याच सरगुन मेहताने टीव्हीवरून पंजाबी चित्रपटांकडे वळले आणि आपल्या चित्रपट कारकिर्दीत एकापेक्षा जास्त चित्रपट दिले. आता हे दोघेही टेलिव्हिजनवर परतले आहेत, पण निर्माते म्हणून. ‘स्वरण घर’ आणि ‘उडारिया’ हे दोन शो त्यांच्या कलर्सवर येत आहेत. हे दोन्ही शो प्रेक्षकांना खूप आवडले आहेत. टीव्ही आणि पंजाबी चित्रपटानंतर सरगुन मेहता आता हिंदी चित्रपटात दिसणार आहे. ती अक्षय कुमारसोबत ‘मिशन सिंड्रेला’ या चित्रपटात काम करत आहे.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा –
