बॉलिवूड अभिनेत्री शिल्पा शेट्टीचा पती राज कुंद्रा अश्लील चित्रपट प्रकरणात अटक झाल्यापासून चर्चेत आहे. राज कुंद्राला गेल्या वर्षी जुलैमध्ये अश्लील चित्रपट प्रकरणात मुख्य सूत्रधार म्हणून ताब्यात घेण्यात आले होते. २ महिने तुरुंगात राहिल्यानंतर बराच संघर्ष करून त्याला जामीन मिळाला. राज गेल्या वर्षी सप्टेंबरमध्ये तुरुंगातून बाहेर आला होता. तुरुंगातून बाहेर आल्यानंतर राज पत्नी शिल्पासोबत दुसऱ्यांदा स्पॉट झाला आहे. या दोघांचा एक व्हिडिओ सोशल मीडियावर व्हायरल होत आहे. याआधी दोघे हिमाचल प्रदेशच्या बगलामुखी कोर्टात एकत्र दिसले होते.
शिल्पाने (Shilpa Shetty) बुधवारी तिच्या इंस्टाग्राम अकाऊंटवर एक व्हिडिओ शेअर केला आहे, जो इंटरनेटवर व्हायरल होत आहे. या व्हिडिओमध्ये शिल्पा पती राजसोबत दिसत आहे. दोघेही आशीर्वाद घेण्यासाठी शिर्डी साईबाबांच्या दरबारात पोहोचले. हा व्हिडिओ इंस्टाग्रामवर खूप वेगाने व्हायरल होताना दिसत आहे. अवघ्या ४ तासांपूर्वी शेअर केलेला हा व्हिडिओ आतापर्यंत ९ लाखांहून अधिक वेळा पाहिला गेला आहे. चला तर मग पाहूया शिल्पा आणि राज कुंद्राचा (Raj Kundra) हा व्हायरल व्हिडिओ.
यादरम्यान शिल्पाने सलवार सूट, तर राजने कुर्ता आणि पायजमा परिधान केला आहे. व्हिडिओमध्ये दोघेही साईबाबांसमोर उभे राहून प्रार्थना करताना दिसत आहेत. नुकतेच राजने त्याच्या वक्तव्यात म्हटले होते की, “खूप विचारविनिमय केल्यानंतर मला असे वाटले की, सर्व बेजबाबदार विधाने आणि चुकीच्या लेखांवर माझे मौन ही माझी कमजोरी मानली जात आहे. मला असे म्हणायचे आहे की, मी माझ्या आयुष्यात कधीही ‘अश्लील चित्रपट’ निर्मितीत किंवा वितरणात सहभागी झालो नाही. मला असे म्हणायचे आहे की, हे प्रकरण विच हंटशिवाय दुसरे काही नाही. हे प्रकरण अद्याप विचाराधीन आहे, त्यामुळे मी आत्ताच स्पष्टपणे काही सांगू शकत नाही. पण, मी खटल्याला सामोरे जाण्यास तयार आहे.”
राज कुंद्रा पुढे त्याच्या वक्तव्यात म्हणाला होता की, “माझा भारताच्या न्यायव्यवस्थेवर आणि न्यायपालिकेवर पूर्ण विश्वास आहे, जिथे सत्याचा विजय होईल. परंतु, दुर्दैवाने, माझ्यावरील आरोप सिद्ध होण्याआधीच, माझे कुटुंब आणि प्रसारमाध्यमांनी मला दोषी मानले आणि माझ्या मानवी आणि घटनात्मक अधिकारांचे उल्लंघन केल्याबद्दल वेदना झाल्या.” शिल्पा आणि राज यांचा विवाह २२ नोव्हेंबर २००९ रोजी झाला होता.
राज कुंद्राला अश्लील व्हिडिओ प्रकरणी सुमारे २ महिने तुरुंगवास भोगावा लागला होता. १९ जुलै रोजी अटक केल्यानंतर सप्टेंबरमध्ये त्यांना जामीन मंजूर करण्यात आला होता. तुरुंगातून बाहेर आल्यानंतर राज कुंद्राने या प्रकरणावर आतापर्यंत मौन बाळगले होते, त्यांनी सोशल मीडियापासूनही दुरावले होते. त्याचे इंस्टाग्राम अकाऊंट प्रायव्हेट करण्यासोबतच त्याने त्याच्या सर्व पोस्टही डिलीट केल्या आहेत.
हेही वाचा :
