बॉलिवूड अभिनेत्री श्रद्धा कपूर मागील काही दिवसांपासून आपल्या व्यावसायिक आयुष्यासोबतच वैयक्तिक आयुष्यामुळेही चांगलीच चर्चेत आहे. तिच्या आणि छायाचित्रकार रोहन श्रेष्ठामधील जवळीक वाढत असल्याच्या चर्चा जोर धरू लागल्या आहेत. विशेष म्हणजे रोहन श्रद्धासोबत तिच्या भावाच्या म्हणजेच प्रियांक शर्माच्या लग्नामध्येही उपस्थित होता. त्यादरम्यानचे दोघांचे फोटो, व्हिडिओ समोर आले होते. आता यानंतर श्रद्धाचा एक नवीन व्हिडिओ सोशल मीडियावर व्हायरल होत आहे. यामध्ये श्रद्धाला पाहून होळी खेळणाऱ्या मुलांचा उत्साह गगनात मावेनासा होतो. परंतु मुलांना होळी खेळताना पाहून श्रद्धा मात्र चांगलीच घाबरलेली दिसली. तिची ही प्रतिक्रिया प्रेक्षकांना चांगलीच भावलेली दिसत आहे.
श्रद्धाचा हा व्हिडिओ इंस्टाग्रामवर एका अकाउंटवरून शेअर करण्यात आला आहे. यामध्ये तिला पाहून होळीच्या शुभेच्छा देत लहान मुले त्यांच्यासोबत ‘होली है’ ओरडत आहेत. मुलांच्या हातात रंगाने भरलेले फुगेही आहेत. त्यांच्या हातातील हे फुगे पाहून आणि मुलांचा हा आवाज ऐकून श्रद्धा चांगलीच घाबरते आणि मुलांकडे पाहून रंग टाकू नका म्हणत विनंती करते. तिचा हा व्हिडिओ सोशल मीडियावर जोरदार व्हायरल होत आहे.
व्हिडिओमध्ये श्रद्धा नावेतून बाहेर येताना दिसत आहे. होळीचा सण अवघ्या काही दिवसावर येऊन ठेपला आहे. त्यामुळे शेजारीच उभे असलेली काही मुले श्रद्धालाही आपल्यासोबत होळी खेळण्यासाठी बोलावतात. त्यावर श्रद्धा आणि तिचे बॉडीगार्ड पटापट पुढे जाऊ लागतात. व्हिडिओत श्रद्धाने पांढऱ्या रंगाच्या शर्ट आणि काळ्या रंगाची पँट घातली आहे. यामध्ये तिचा स्टायलिश लूकही दिसत आहे.
श्रद्धाच्या कामाबद्दल बोलायचं झालं, तर तिने सन २०१० साली आलेल्या ‘तीन पत्ती’ चित्रपटातून बॉलिवूड पदार्पण केले होते. हा चित्रपट चांगला गाजला नाही. परंतु या चित्रपटासाठी श्रद्धाला फिल्मफेअर सर्वोत्तम पदार्पण अभिनेत्री पुरस्कारासाठी नामांकन मिळाले होते. यानंतर तिचा सन २०१३ साली आलेला ‘आशिकी २’ चित्रपटाने तिला जबरदस्त प्रसिद्धी आणि यश मिळवून दिले. यानंतर तिने कधीही मागे वळून पाहिले नाही. यानंतर तिने अनेक हिट चित्रपट दिले आहेत. आता ती लव्ह रंजनच्या आगामी चित्रपटात झळकणार आहे.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-हॉलिवूडमधील ‘द सुसाईड स्क्वॉड’ चित्रपटाचा ट्रेलर झाला रिलीझ, जॉन सीनाचा जबरदस्त अंदाज
-‘खूप भारी दिसतेय’, हिना खानच्या समुद्रावरील ग्लॅमरस फोटोंवर चाहत्याची कमेंट
-हिना खानच्या हॉट अंदाजावर चाहत्यांसह सेलिब्रिटीही फिदा! कमेंट्स करत केले अभिनेत्रीचे कौतुक
