‘भाभी जी घर पर हैं’ या लोकप्रिय कॉमेडी मालिकेची अंगूरी भाभी म्हणजेच शुभांगी अत्रे (Shubhangi atre) ही टीव्ही जगतातील प्रसिद्ध अभिनेत्री म्हणून ओळखली जाते. शुभांगीला ‘भाभी जी घर पर हैं’ मधून सर्वाधिक लोकप्रियता मिळाली, पण ‘कस्तुरी’, ‘कसौटी जिंदगी की’, ‘दो हंसों का जोडी’ आणि ‘चिडियाघर’ यांसारख्या मालिकांमधून तिने आपण प्रत्येक भूमिकेत परफेक्ट असल्याचे सिद्ध केले आहे. तिच्या दमदार अभिनयाने आणि घायाळ करणाऱ्या सौंदर्याने तिने मालिका क्षेत्रात वेगळी ओळख निर्माण केली आहे. सोमवार (११ एप्रिल) शुभांगीचा वाढदिवस जाणून घेऊया तिच्या आयुष्याबद्दल.
View this post on Instagram
अभिनेत्री शुभांगीचा जन्म ११ एप्रिल १९८१ रोजी मध्य प्रदेशातील पचमढी या सुंदर शहरात झाला. तिचे सुरुवातीचे शिक्षणही पचमढी येथे झाले. यानंतर इंदूरमधून पदवीचे शिक्षण पूर्ण केल्यानंतर, तिने एमबीएची पदवीही घेतली. मात्र, शुभांगीला नेहमीच मनोरंजनाच्या जगात येण्याची इच्छा होती. खूप मेहनतीनंतर २००७ साली तिला टीव्हीवर काम करण्याची संधी मिळाली. शुभांगीने एकता कपूरच्या लोकप्रिय टीव्ही शो ‘कसौटी जिंदगी की’मधून तिच्या अभिनय कारकिर्दीला सुरुवात केली. या शोनंतर शुभांगीने ‘कस्तुरी’, ‘हवन’, ‘चिडियाघर’ आणि ‘दो हंसों का जोडी’ सारख्या शोमध्ये महत्त्वाच्या भूमिका साकारल्या आणि इंडस्ट्रीत एक खास ओळख निर्माण केली.
View this post on Instagram
करोडो हृदयांवर राज्य करणाऱ्या शुभांगी अत्रेच्या वैयक्तिक आयुष्याबद्दल सांगायचे तर, ती विवाहित आहे आणि मुलीची आई आहे. तिने २००७ मध्ये उद्योदक पीयूष पुरीसोबत लग्न केले. शुभांगीचे सासरे मध्य प्रदेशात आहेत. जरी ती आता तिच्या पती आणि मुलीसह मुंबईत एका सुंदर घरात राहते.
View this post on Instagram
या सगळ्यानंतर शुभांगी प्रसिद्ध कॉमेडी शो ‘भाभी जी घर पर हैं’ मध्ये पोहोचली, ज्यामध्ये तिने ‘अंगूरी भाभी’ची भूमिका साकारून प्रेक्षकांच्या हृदयात वेगळे स्थान निर्माण केले. या शोमध्ये शिल्पा शिंदेच्या जागी शुभांगीला आणण्यात आले होते. या व्यक्तिरेखेतील तिचा अभिनय प्रेक्षकांना खूप आवडला. तिच्या अभिनयाचे प्रचंड कौतुक झाले होते. मात्र तिचा हा प्रवास सोपा नव्हता. याबद्दल बोलताना शुभांगी म्हणते की, “जेव्हा मी माझा पहिला शो करत होते, तेव्हा मी दर आठवड्याला माझ्या मुलीला भेटायला पुण्याला जात असे. लवकरच, माझे पती आणि माझी मुलगी मुंबईला शिफ्ट झाल्यावर सर्व सोपे झाले. सुरुवातीला सगळ्यांना वाटायचं की मी बरोबर करत नाहीये. कधी कधी मलाही अपराधी वाटायचं. पण आता माझी मुलगी म्हणते की, ते सर्व ठीक होते. आज आपण बेस्ट फ्रेंड्ससारखे आहोत. मी खूप पुढे आले आहे, पण आजही मी विशेष भूमिकांच्या शोधात आहे.”
View this post on Instagram
सध्या शुभांगी तिचे वैयक्तिक जीवन आणि तिची कारकीर्द यामध्ये समतोल साधण्याचा आनंदाने प्रयत्न करत असते . तिच्या दिवसाची सुरुवात पूजनाने होते. सकाळी लवकर उठून ती स्वतःसाठी दुपारचे जेवण बनवते. तिला डाळ, रोटी आणि भाजी खायला आवडते. शुभांगीला बाल्कनीत वेळ घालवायला आवडते. ती तिची बाल्कनी वनस्पती आणि विंडचिम्सने सजवते. शुभांगीला प्रवासात गाणी ऐकायला आवडतात. शुभांगीसोबत काम करणारे सहकारी तिची खूप प्रशंसा करतात. एकूणच पडद्यावरील भूमिका करताना ती तिच्या घरातील भूमिकाही सक्षमपणे पार पाडत असते.
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
हेही वाचा-
दुःखद! प्रसिद्ध रंगभूमिकार आणि अक्षरा थिएटरच्या सहसंस्थापक असलेल्या ‘या’ जेष्ठ अभिनेत्रींचे निधन
