सन २००७ साली प्रदर्शित झालेला ‘सांवरिया’ हा सिनेमा कदाचित सर्वांनाच आठवत असेल. या सिनेमातून अभिनेत्री सोनम कपूर हिने बॉलिवूड पदार्पण केले होते. या सिनेमानंतर ती जवळपास २०हून अधिक सिनेमात झळकली. सोनम तिच्या सिनेमांव्यतिरिक्त सोशल मीडियावरही चांगलीच प्रसिद्ध असते. तिचे काही फोटो आणि व्हिडिओही शेअर करत असते. अशात तिचा एक फोटो इंटरनेटवर जोरदार व्हायरल होत आहे. या फोटोत ती रुग्णालयातील एका बेडवर झोपल्याचे दिसत आहे. या फोटोत तिच्या कुशीत एक लहान बाळही दिसत आहे. हा फोटो एकदम खराखुरा वाटत आहे. आता यामागील सत्य काय आहे हे जाणून घेऊया…
सत्य आहे तरी काय?
सदसीत वर्षीय अभिनेत्री सोनम कपूर हिचा एक फोटो सोशल मीडियावर जोरदार व्हायरल होत आहे. खरं तर हा फोटो खोटा आहे. या फोटोमध्ये सोनम कॅमेऱ्याकडे पाहून पोझ देताना दिसत आहे. मात्र, हे खरे नाहीये. सोनमचा हा फोटो एडिट करण्यात आला आहे. तसेच, यामध्ये दुसरा फोटो जोडला गेला आहे. एकूणच काय तर सोनमची डिलीव्हरी झाल्याचे सांगणारा हा फोटो खोटा आहे.
प्रेग्नंसीचा आनंद लुटतेय सोनम
सोनम कपूर सध्या प्रेग्नंसीचा आनंद लुटत आहे. सोनमने यावर्षी मार्चमध्ये तिच्या प्रेग्नेंसीची घोषणा केली होती. तेव्हापासून सोनम सतत तिचा बेबी बंप फ्लॉन्ट करताना दिसत आहे. तिने बेबी बंपसोबत ग्लॅमरस फोटोशूटही केले आहे. ज्याचे फोटोही सोशल मीडियावर खूप वेगाने व्हायरल झाले.
नुकतेच झाले होते बेबी शॉवर
अभिनेत्री सोनम कपूर हिने नुकतेच आनंद आहुजा (Anand Ahuja), बहीण रिया कपूर आणि इतरांसोबत डोहाळे जेवणाचा कार्यक्रम पूर्ण केला होता. सोनमने याचे फोटोही इंस्टाग्रामवर शेअर केले होते. सोनम आणि आनंद यांनी ८ मे, २०१८ रोजी पारंपारिक समारंभात लग्न केले होते. नुकतेच त्यांनी त्यांच्या सोशल मीडियावरून जाहीर केले की ते दोघेही लवकरच त्यांच्या पहिल्या मुलाच्या स्वागताची तयारी करत आहेत.
सोनम कपूरचे सिनेमे
अभिनेत्री सोनम कपूर हिच्या कामाबाबत बोलायचं झालं, तर ती शेवटची ‘एके व्हर्सेस एके’मध्ये दिसली होती. यामध्ये तिने तिचेच पात्र साकारले होते. यापूर्वी ती, ‘द झोया फॅक्टर’मध्ये काम केले होते. हा सिनेमा बॉक्स ऑफिसवर सपशेल फ्लॉप ठरला होता.
दैनिक बोंबाबोंबचा व्हॉट्सऍप ग्रूप जॉईन करण्यासाठी येथे क्लिक करा
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
हेही वाचा-
‘खतरों के खिलाडी’मध्ये भिडल्या प्रसिद्ध अभिनेत्री; एकीच्या चाहत्यांनी दुसरीला म्हटले, ‘घमंडी’
फक्त हिंदीतच नाही, तर मराठीतील स्टार किड्सही गाजवतायेच अभिनय क्षेत्र
पैसे, संपत्ती नाव सगळं काही तरी देखील ‘या’ अभिनेत्री आयुष्यभर का राहिल्या अविवाहित
