रणबीर कपूर (Ranbir Kapoor) आणि आलिया भट्टच्या (Alia Bhatt) लग्नाच्या बातम्या इंटरनेटवर धुमाकूळ घालत आहेत. रणबीर आलियाच्या चाहत्यांसाठी आता या लग्नाशी संबंधित अनेक अपडेट्स समोर येत आहेत. रणबीर कपूर आणि आलिया भट्ट यांचा विवाहसोहळा भव्य होणार आहे. या जोडप्यावर आता बॉलिवूड इंडस्ट्रीमधून शुभेच्छांचा वर्षाव होऊ लागला आहे. अनेक कलाकार, दिग्दर्शक यांनी सोशल मीडियावर आणि मुलाखतीत या जोडप्याला शुभेच्छा दिल्या आहेत. अशातच आता बिग बी अमिताभ बच्चन (Amitabh Bachchan) यांनी देखील सोशल मीडियावर खास पोस्ट शेअर करत, रणबीर-आलियाला नव्या प्रवासासाठी गोड शुभेच्छा दिल्या आहेत.
दोन दिवसांपूर्वीच ‘ब्रह्मास्त्र’ चित्रपटातील ‘केसरिया’ हे गाणं रिलीझ झालं आहे. ज्यात रणबीर आणि आलियाची रोमॅंटिक केमिस्ट्री पाहायला मिळाली. याच गाण्याचा छोटासा व्हिडिओ अमिताभ यांनी त्यांच्या अधिकृत इंस्टाग्राम अकाऊंटवरून शेअर केला आहे. हा व्हिडिओ शेअर करत बिग बींनी खास कॅप्शनही दिलं आहे. त्यांनी लिहिलंय की, “आमची ईशा आणि शिव यांना खूप प्रेम आणि प्रकाश मिळो, कारण ते येत्या काही दिवसांत अतिशय खास प्रवासाला जाण्यास तयार आहेत.” असे म्हणत त्यांनी भावी जोडप्याला प्रेमळ शुभेच्छा आणि आशिर्वाद दिले आहेत. हा व्हिडिओ सोशल मीडियावर मोठ्या प्रमाणात व्हायरल होत आहे. तसेच चाहतेही यावर भरभरून प्रतिक्रिया देत आहेत.
रणबीर-आलियाच्या लग्नाबद्दल बोलायचे झाले, तर वांद्रे येथील अभिनेत्याच्या आरके बंगल्यावर रणबीर-आलियाच्या लग्नाचा सोहळा अधिकृतपणे सुरू झाला आहे. आलियाची मेहंदी आज तिच्या निवासस्थानी पार पडली, ज्यासाठी पाहुणे मोठ्या थाटात पोहोचले आहेत.
दुसरीकडे वर्कफ्रंटबद्दल बोलायचे झाले, तर रणबीर कपूर आणि आलिया भट्ट लवकरच ‘ब्रह्मास्त्र’ या आगामी चित्रपटात दिसणार आहेत. ज्यांची प्रतिक्षा चाहते अनेक दिवसांपासून करत आहेत.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा
