बॉलिवूड अभिनेत्री अनुष्का शर्मा आणि भारतीय क्रिकेट संघाचा कर्णधार विराट कोहली हे सध्या इंग्लंड दौऱ्यावर आहेत. त्यांच्यासोबत त्यांची मुलगी वामिका देखील आहे. भारतीय संघाला ४ ऑगस्टला टेस्ट सिरीज खेळायची आहे. टेस्ट सिरीजच्या आधी पहिल्या ब्रेक दरम्यान खेळाडू त्यांच्या परिवारासोबत वेळ घालवत आहे. अनुष्का शर्माने देखील सध्या तिच्या मुलीसोबत वेळ घालवण्याचा निर्णय घेतला आहे. त्यामुळे सगळे सध्या इंग्लंडमध्ये एकत्र आहेत. विराट कोहलीसोबत अनेक खेळाडू त्यांच्या परिवारासोबत वेळ घालवताना दिसत आहेत. अनुष्का शर्माने तिच्या इंस्टाग्राम अकाउंटवरून एक फोटो शेअर केला आहे. ज्यामध्ये त्यांच्यासोबत राहुल, ईशांत, विराट, मयंक आणि उमेश यादव दिसत आहेत.
नुकतेच अनुष्काने इंस्टाग्रामवर शेअर केलेल्या फोटोंमध्ये विराट आणि अनुष्का इंग्लंडच्या रस्त्यावर फिरताना दिसत आहेत. या फोटोसोबत तिने मजेशीर कॅप्शन दिले आहे. तिने लिहिले आहे की, “शहरामध्ये असंच फिरत होते. अचानक एका चाहत्यांची नजर माझ्यावर पडली. मला त्याच्यासोबत फोटो काढायचा होता. चाहत्यांसाठी काही पण.” खरंतर हा तिचा चाहता म्हणजे तिचा पती विराट कोहली होता. (Anushka Sharma share a photo with virat kohli and vamika chill together in England)
या सोबतच विराट कोहलीने देखील सोशल मीडियावर दोन फोटो शेअर केले आहेत. जे सध्या जोरदार व्हायरल होत आहेत. नुकतेच काही दिवसांपूर्वी विराट आणि अनुष्काची मुलगी वामिका सहा महिन्यांची झाली आहे. त्यांनी लंडनमध्ये तिच्या वाढदिवस साजरा केला होता. त्यावेळी देखील त्यांचे फोटो सोशल मीडियावर व्हायरल होत होते. पण त्या फोटोमध्ये वामिकाचा चेहरा दिसत नव्हता. त्यांनी त्यांच्या मुलीला सोशल मीडियापासून लांब ठेवण्याचा निर्णय घेतला आहे.
अनुष्का सध्या चित्रपटसृष्टीपासून दूर आहे. ती पूर्ण वेळ तिच्या मुलीसोबत घालवत आहे. तिने बॉलिवूडमध्ये अनेक चित्रपटात काम केले आहे. तिने ‘बॅंड बाजा बारात’, ‘सुई धागा’, ‘परी’, ‘दिल धडकने दो’, ‘झीरो’, ‘सुलतान’, ‘जब तक है जान’, ‘पीके’, ‘ये दिल है मुश्किल’ यांसारख्या चित्रपटात काम केले आहे.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-‘मेहंदी लगा के रखना’ गाण्याचं इंग्लिश व्हर्जन ऐकून प्रियांका चोप्रा झाली लोटपोट! तुम्ही ऐकलं का?
-‘तेरे चेहरे से नजर नहीं हटती, नजारे हम क्या देखे!’, शालूच्या फोटोने पुन्हा उडवली चाहत्यांची झोप
-पारदर्शी साडीतील ‘तो’ सीन अन् दाऊदसोबतचे नाते, जाणून घ्या मंदाकिनीबद्दल ‘या’ गोष्टी
