चित्रपटसृष्टी बर्याच अभिनेत्री अशा आहेत, ज्या स्वत: ला मुख्य नायिका म्हणून स्थापित करू शकल्या नाहीत. पण त्यांच्या प्रतिभेच्या जोरावर त्यांनी जे स्थान मिळवले, ते एखाद्या आघाडीच्या अभिनेत्रीपेक्षा कमी नाही. त्या अभिनेत्रींपैकी एक म्हणजे बिंदू,ज्यांनी आत्तापर्यंत शेकडो चित्रपटांमध्ये काम केले आहे. त्यांनी वयाच्या 11 व्या वर्षी मॉडेलिंगला सुरुवात केली होती, यावरून त्यांच्याकडे कामाचा किती अनुभव आहे हे समजते. वास्तविक, बिंदूचे शरीर असे होते की, 11 वर्षांच्या असूनही त्या 16 वर्षांच्या असल्यासारख्या दिसायच्या. म्हणूनच त्यांना लवकरच मॉडेलिंगची ऑफर मिळाली.
कुटुंबाच्या जबाबदारीने बनवले अभिनेत्री
खरंतर बिंदू सक्तीमुळे अभिनेत्री बनल्या. त्या खूप लहान असतानाच त्यांच्या वडिलांचे निधन झाले. परंतु त्या घरातल्या सर्वात मोठ्या असल्याकारणाने, सर्व जबाबदाऱ्या त्यांच्यावर येऊन पडल्या. अशा परिस्थितीत, जेव्हा त्यांना मॉडेलिंग करण्याची संधी मिळाली, तेव्हा त्यांनी ती संधी सोडली नाही. उलट त्यांनी ते स्वीकारले. हळूहळू त्या मॉडेलिंगपासून चित्रपटांकडे वळल्या.
16 वर्षांच्या असताना झाले लग्न
त्याच वेळी बिंदू यांच्या आयुष्यात सर्व काही पटकन होत होते. जसे त्यांच्या कारकीर्दीची सुरुवात लवकर झाली, तसेच त्यांचे वयाच्या 16 व्या वर्षी लग्नही झाले. त्यावेळी बिंदू अजूनही शाळेतच होत्या, जेव्हा त्या व्यावसायिक चंपक जवेरी यांना भेटल्या. या दोघांची भेट झाल्यानंतर चंपक यांना त्या आवडू लागल्या, पण बिंदू प्रत्येक वेळी त्यांच्याकडे दुर्लक्ष करायच्या. अखेरीस, त्यांच्या हृदयातही चंपक यांनी आपले स्थान निर्माण केले आणि दोघांनीही कुटुंबाच्या विरोधात जाऊन लग्न करण्याचा निर्णय घेतला.
बिंदू यांची खरी कारकीर्दही लग्नानंतरच सुरू झाली. त्यांना दमदार चित्रपटांच्या ऑफर येऊ लागल्या. बघता बघताच त्या स्टारडमच्या पायऱ्या चढू लागल्या. बिंदू यांनी 1962 मध्ये आलेल्या ‘अनपढ’ चित्रपटाद्वारे सिनेसृष्टीत पदार्पण केले. त्यांनतर 1969 मध्ये आलेल्या ‘इत्तेफाक’ आणि ‘दो रास्ते’ या चित्रपटातील त्यांची भूमिका विशेष गाजली. हे दोन्ही चित्रपट बॉक्स ऑफिसवर यशस्वी ठरले. इतकेच नव्हे, तर दोन्ही चित्रपटांमधील अभिनयासाठी त्यांना फिल्मफेअर पुरस्कारासाठी नामांकनही मिळाले होते. पुढे त्यांनी एकूण ७ फिल्मफेअर पुरस्कार मिळवले.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही नक्की वाचा-
