आपला भारत हा विविध सण आणि उत्सव साजरा करणारा देश आहे. प्रत्येक सणाला एक वेगळे महत्व आहे. यातीलच नवरात्र हा सण सर्वत्र साजरा केला जात आहे. स्त्री शक्तीचा आदर आणि सन्मान करण्यासाठी हा सण साजरा केला जातो. दुर्गामातेने महिषासुराचा वध करण्यासाठी नऊ दिवस वेगवेगळा अवतार घेतला होता. या प्रत्येक दिवसाला एक वेगळे महत्व आहे. त्यामुळे स्त्रिया प्रत्येक दिवशी असणाऱ्या रंगाचे कपडे परिधान करून फोटो शेअर करत असतात. अशातच मराठी अभिनेत्री अपूर्वा नेमळेकरने यावर्षी एक वेगळा प्रयोग केला आहे. ती दरदिवशी दुर्गामातेने ज्या देवीचे रुप घेतले होते, तसे रूप करून फोटो शेअर करत असते. अशातच नवरात्रीच्या पाचव्या दिवशी तिने पांढऱ्या रंगाचे वस्त्र परिधान करून तिचे काही फोटो शेअर केले आहेत.
अपूर्वाने सोशल मीडियावर पांढऱ्या रंगाचे वस्त्र घालून फोटो शेअर केले आहेत. या फोटोमध्ये ती अगदी एका देवीप्रमाणे दिसत आहे. तिने अगदी देवीप्रमाणे साज-शृंगार केला आहे. तसेच केस मोकळे सोडले आहेत. केसांवर मुकुट घातला आहे. तसेच सगळे दागदागिने घातले आहे. या फोटोमध्ये तिचे रूप अगदी विलोभनीय दिसत आहे. (Apurva Nimbalekar share her navratri special photo on social media)
हे फोटो शेअर करून तिने. लिहिले आहे की, “नवरात्रीचा पाचवा दिवस, रंग-पांढरा, देवी-बंगाली देवी. त्रिनयन दुर्गामाता. त्रिपुरा अगरतला.” यासोबत तिने लिहिले आहे की, “मी आणि माझ्या टीमने केलेला एक प्रामाणिक प्रयत्न, नवरात्रीच्या हार्दिक शुभेच्छा.”
तिने घेतलेला देवीचा हा अवतार तिच्या चाहत्यांना खूप आवडला आहे. अनेकजण या फोटोवर प्रतिक्रिया देऊन तिचे कौतुक करत आहेत. तसेच तिला देखील नवरात्रीच्या शुभेच्छा देत आहेत.
अपूर्वा मालिका तसेच चित्रपटात काम करून नावारूपाला आली आहे. खास करून तिचे ‘रात्रीस खेळ चाले’ या मालिकेतील शेवंता नावाचे पात्र खूप गाजले. या मालिकेने तिला सर्वत्र ओळख निर्माण करून दिली. यासोबत तिने ‘तू माझा सांगाती’ आणि ‘सावधान इंडिया’ या मालिकेतही काम केले आहे.
दैनिक बोंबाबोंचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
अमिताभ नव्हे, तर ‘या’ नावाने आई मारायची हाक; रेखा यांना सोडण्यामागे होते ‘हे’ मोठ्ठे कारण
सलमान खानने बहीण अर्पिताला लग्नात दिलं होतं ‘हे’ महागडं गिफ्ट, किंमत ऐकून तर फिरतील तुमचे डोळे
