गायक अरिजीत सिंह (Arijit Singh) आता फक्त गाणंच नाही तर चित्रपट दिग्दर्शनातही हात आजमावणार आहे.तो एक मोठा जंगल अ‍ॅडव्हेंचर चित्रपट दिग्दर्शित करणार आहे,जो संपूर्ण भारतात प्रदर्शित होईल.या चित्रपटाचं नाव लवकरच सांगितलं जाणार आहे.
राष्ट्रीय पुरस्कार मिळवलेला आपला आवडता गायक अरिजीत सिंह आता दिग्दर्शन क्षेत्रात पाऊल टाकतोय! अरिजीत एक जंगल अ‍ॅडव्हेंचर चित्रपट बनवतोय,जो संपूर्ण भारतात प्रदर्शित होणार आहे.ही गोष्ट खास म्हणजे,हा चित्रपट तो फक्त दिग्दर्शितच करणार नाही,तर त्याने आपल्या पत्नी कोयल सिंगसोबत मिळून त्याची कथा लिहिलीय.हा चित्रपट महावीर जैन प्रोड्यूस करणार आहेत.आता फक्त या धमाकेदार चित्रपटाचं नाव जाहीर होण्याची वाट पाहायची!
इंडिया टुडेने दिलेल्या माहितीनुसार,अरिजीत सिंग आता एक हटके जंगल अ‍ॅडव्हेंचर चित्रपट दिग्दर्शित करायला तयार आहे.या चित्रपटाचे निर्माते महावीर जैन आहेत,आणि ते या प्रोजेक्टबाबत खूपच एक्साइटेड आहेत. त्यांना वाटतं की,हा चित्रपट संपूर्ण भारतातल्या प्रेक्षकांना आवडला पाहिजे,म्हणून ते मनापासून मेहनत घेत आहेत. अरिजीत सिंहच्या दिग्दर्शनात बनणाऱ्या या पॅन इंडिया चित्रपटात कोण कलाकार असतील, हे अजून ठरलेलं नाही. सध्या या चित्रपटाचं कास्टिंग आणि आधीची तयारी (प्री-प्रोडक्शन) सुरू आहे.
एका रिपोर्टमध्ये असं म्हटलंय,”कलाकार कोण असणार आणि चित्रपटाचं नाव काय असणार, हे ठरताच टीम हा चित्रपट जाहीर करणार आहे.आत्तापर्यंत अरिजीतनं गायक म्हणून खूप मोठं नाव कमावलं आहे. स्पॉटिफायवर तो टॉप आर्टिस्टपैकी एक आहे.आता तो दिग्दर्शक म्हणून काय धमाल करतो,हे बघणं खरंच इंटरेस्टिंग असणार आहे!” महावीर जैन फिल्म्ससोबतच आलोकद्युति फिल्म्सही अरिजीत सिंगच्या या चित्रपटाची निर्माता आहे,आणि गॉड ब्लेस एंटरटेनमेंट या चित्रपटाचे को-प्रोड्यूसर (सह-निर्माता) आहे.
अरिजीतचा हा पॅन इंडिया चित्रपट तर येतोच आहे,पण त्याचसोबत महावीर जैन फिल्म्स कार्तिक आर्यनचा नागजिला आणि विक्रांत मैसीचा व्हाइट हे चित्रपटसुद्धा तयार करत आहे. कामाच्या बाबतीत बोलायचं झालं,तर अरिजीत सिंगने अलीकडेच मेट्रो… इन दिनों या चित्रपटातलं “जमाना लगे” हे गाणं गायलं आहे.याआधी तो “केसरिया”, “ओ माही”, “अपना बना ले” आणि “जान निसार” सारखी जबरदस्त गाणीही गाऊन लोकांची मनं जिंकली आहेत.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा
‘भाषा हा वादाचा नाही तर संवादाचा विषय आहे’, मराठी भाषेच्या वादावर आशुतोष राणांची प्रतिक्रिया
