लोकप्रिय रिअॅलिटी शो ‘बिग बॉस 19’ आता अंतिम टप्प्यात आला आहे. फक्त काही तासांवर असलेल्या ग्रँड फिनालेसोबत या सीझनचा विजेता कोण ठरणार याची उत्सुकता शिगेला पोहोचली आहे. टॉप 5 स्पर्धक—गौरव खन्ना, प्रणित मोरे, तान्या मित्तल, अमाल मलिक आणि फरहाना भट्ट—यांच्यात आता अंतिम स्पर्धा रंगणार आहे. चाहत्यांसोबतच शोमधून बाहेर पडलेल्या स्पर्धकांनीही आपल्या आवडत्या प्रतिभागींना खुलेआम पाठिंबा देण्यास सुरुवात केली आहे.
एविक्शननंतर शहबाज बदेशा (Shahbaz Badesha)आणि मृदुल तिवारीची नुकतीच पुन्हा भेट झाली. दोघांमध्ये उत्कृष्ट बॉन्डिंग दिसून आले आणि त्यांनी एकमेकांशी मनमोकळ्या गप्पाही मारल्या. पॅपराझींनी त्यांना स्पॉट केल्यावर त्यांना विचारले गेले की ते कोणाला सपोर्ट करत आहेत? यावर शहबाज म्हणाला, “मी अमलला सपोर्ट करतो.” तर मृदुलने “गौरव खन्ना माझा फेव्हरेट आहे” असे सांगितले. या दरम्यान, प्रणित मोरेविषयी बोलताना शहबाज म्हणाला,
प्रणितला तर पूर्ण महाराष्ट्र सपोर्ट करत आहे. शेवटी जो सर्वात चांगले खेळतो, तोच शो जिंकतो.
शहबाजच्या या प्रतिक्रियेनंतर सोशल मीडियावर चाहत्यांमध्ये वेगवेगळ्या प्रतिक्रिया उमटत आहेत. कमेंट सेक्शनमध्ये गौरव आणि अमलच्या फॅन्समध्ये चर्चेला उधाण आले आहे. टॉप ५ मध्ये स्पर्धा तगडी असली तरी चाहत्यांच्या अंदाजानुसार गौरव खन्ना मजबूत पोझिशनवर असल्याचे दिसत आहे.
कधी होणार ग्रँड फिनाले? बिग बॉस 19’चा भव्य ग्रँड फिनाले ७ डिसेंबर रोजी प्रेक्षकांच्या भेटीला येणार आहे. या विशेष एपिसोडमध्ये विजेत्याची घोषणा होणार असून या वर्षीची ट्रॉफीही खूप खास डिझाइनमध्ये तयार करण्यात आली आहे. संपूर्ण सीझनमध्ये नाट्य, भावनिक क्षण, टास्क आणि तगडी स्पर्धा पाहिल्यानंतर आता अंतिम क्षणांवर सगळ्यांच्याच नजरा खिळल्या आहेत.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
