भारतीय क्रिकेट संघाचे माजी कर्णधार बिशन सिंग बेदी यांचा मुलगा अंगद बेदी याचा आज म्हणजेच ६ फेब्रुवारी रोजी वाढदिवस आहे. चाहते अंगद बेदीला त्याच्या चित्रपटांमधून ओळखतात. वारशाने मिळालेले क्रिकेट सोडून अंगदने बॉलिवूडमध्ये आपले नशीब आजमावले आहे.
अंगद बेदीने स्वतः एका मुलाखतीत म्हटले होते की, मला वाटते की काम ही सर्वात महत्वाची गोष्ट आहे. प्रत्येक व्यक्तीचे व्यक्तिमत्व असे असले पाहिजे की लोक तुमच्या कामाशी जोडले जाऊ शकतील. मला आयुष्यात गरीब राहायचे नाही. अंगद म्हणाला की, वयाच्या १७ व्या वर्षी त्याला अभिनेता व्हायचे आहे हे कळले, त्यानंतर तो डिफेन्स कॉलनीतील त्याच्या चुलत भावाच्या दुकानात गेला आणि अमिताभ बच्चन यांचे चित्रपट पाहू लागला. हे चित्रपट पाहिल्यानंतर अंगदचा अभिनयाकडे कल आणखी वाढला.
एका मुलाखतीदरम्यान अंगद बेदीने सांगितले की, बॉलिवूडमध्ये काम करण्यासाठी त्याने वयाच्या १८ व्या वर्षी केस कापले होते, त्यामुळे त्याचे वडील इतके रागावले होते की ते २० वर्षे त्याच्याशी बोलले नाहीत. यानंतर, अमिताभ बच्चन यांनी दोघांमध्ये समेट घडवून आणला.
२०१८ मध्ये अंगद बेदीने नेहा धुपियाशी लग्न केले. दोघांचे लग्न दिल्लीत झाले. जर वृत्तांवर विश्वास ठेवायचा झाला तर, नेहा अंगदशी लग्नाआधीच गर्भवती राहिली होती. नेहा आणि अंगद यांनी त्यांच्या पालकांना लग्नाची माहिती दिल्यानंतर ७२ तासांच्या आत लग्न केले. या जोडप्याला एक मुलगा आणि एक मुलगी आहे. अंगदशी लग्न केल्यानंतर अवघ्या पाच महिन्यांतच नेहा धुपियाने मुलीला जन्म दिला. आणि २०२१ मध्ये त्यांनी त्यांचा मुलगा गुरिक सिंग धुपिया बेदीचे स्वागत केले.
अंगद बेदी ‘डियर जिंदगी’, ‘टायगर जिंदा है’, ‘घूमर’, ‘गुंजन सक्सेना’, ‘सूरमा’ यासारख्या चित्रपटांसाठी ओळखला जातो. अंगद बेदीने अनेक चित्रपटांमध्ये काम केले आहे, जरी तो अद्याप कोणत्याही चित्रपटात मुख्य भूमिकेत काम करू शकलेला नाही.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
लताबाईंना जाऊन आज झाली ३ वर्षे; या राजघराण्यातील व्यक्तीशी करायचे होते लग्न …
