चित्रपटांव्यतिरिक्त, बॉलिवूड सेलिब्रिटी अनेक मार्गांनी मोठी कमाई करतात, त्यापैकी एक म्हणजे जाहिरात हाेय. बॉलिवूड स्टार्स चित्रपटांसोबतच जाहिरातींमध्येही काम करतात हे तर सर्वांनाच माहिती आहे, पण आज आम्ही तुम्हाला अशा सेलिब्रिटींबद्दल सांगणार आहोत ज्यांनी बॉलिवूडमध्ये पदार्पण करण्यापूर्वी जाहिरातींमध्ये काम केले आणि नंतर इंडस्ट्रीमध्ये नाव कमावले. चला तर मग जाणून घेऊया या सेलिब्रिटींबद्दल…
या यादीत शाहिद कपूर आणि आयेशा टाकिया पहिल्या क्रमांकावर आहेत. जेव्हा जेव्हा आपण शाहिदबद्दल बोलतो तेव्हा लोकांना वाटते की, त्याने ‘देखा तेरी आँखों में’ या म्युझिक अल्बममधून इंडस्ट्रीत पदार्पण केले. मात्र, हे तसे नाही. त्याने लहानपणी एका जाहिरातीत काम केले आहे. त्या जाहिरातीत शाहिदसोबत बॉलिवूड अभिनेत्री आयशा टाकियानेही काम केले होते. यानंतर दोघेही ‘दिल मांगे मोर’ या चित्रपटात एकत्र दिसले.
या यादीत पुढचे नाव ऐश्वर्या राय बच्चनचे आहे. ऐश्वर्याने 1994 मध्ये मिस वर्ल्डचा किताब जिंकला होता. यानंतर तिने बॉलिवूडमध्ये पदार्पण केले. ऐश्वर्याने तिच्या करिअरची सुरुवात मॉडेलिंगपासून केली होती. मॉडेलिंग करत असताना तिने 1993मध्ये एका जाहिरातीत काम केले होते. या जाहिरातीत ऐश्वर्यासोबत आमिर खानही दिसला होता.
आज अनुष्का शर्मा बॉलीवूडच्या टॉप अभिनेत्रींच्या यादीत सामील झाली असून आता ती निर्मातीही बनली आहे. अनुष्काने तिच्या करिअरची सुरुवात मॉडेलिंगपासून केली, त्यानंतर ती बॉलिवूडकडे वळली, मॉडेलिंग करत असताना तिने दक्षिण भारतीय इंडस्ट्रीमध्ये एका जाहिरातीत काम केले. त्यावेळी अनुष्का मॉइश्चरायझरच्या जाहिरातीत दिसली होती. त्यानंतर अनुष्काने शाहरुख खानसोबत ‘रब ने बना दी जोडी’ या चित्रपटातून बॉलिवूडमध्ये पदार्पण केले.
या यादीत दीपिका पदुकोणचाही समावेश आहे. तिने आपल्या करिअरची सुरुवात मॉडेलिंगपासून केली होती. त्यादरम्यान दीपिका ही बॅडमिंटनपटू प्रकाश पदुकोण यांची मुलगी म्हणून ओळखली जात होती. यानंतर तिने बॉलिवूडच्या सर्वोत्कृष्ट अभिनेत्रींच्या यादीत आपली जागा बनवली आणि केवळ देशातच नाही, तर जगभरात प्रसिद्धी मिळवली. दीपिका जेव्हा मॉडेलिंग करत होती तेव्हा तिने टूथपेस्टच्या जाहिरातीत काम केले होते. दीपिकाने शाहरुख खानसोबत ‘ओम शांती ओम’ या चित्रपटातून बॉलिवूडमध्ये पदार्पण केले.( bollywood celebs who started their career from tv ads shahid kapoor deepika padukone anushka sharma aishwarya)
दैनिक बाेंबाबाेंबचा व्हाॅटसऍप ग्रूप जाॅईन करण्यासाठी येथे क्लिक करा
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
हेही वाचा-
‘या’ कारणामुळे अनेकदा जावेद अख्तर आणि शबाना आझमी यांनी केला त्यांची नाते तोडण्याचा प्रयत्न
‘उसकी कत्थई आँखों में हैं…’ साेनाली कुलकर्णीच्या नव्या पाेस्टने वेधले लक्ष
