आपल्या ग्लॅमरस अदांमुळे चर्चेत राहणारी बॉलिवूड अभिनेत्री मल्लिका शेरावत पुन्हा एकदा आपल्या वक्तव्यामुळे चर्चेत आली आहे. मल्लिका शेरावतने नुकत्याच दिलेल्या मुलाखतीत सांगितले की, ऑडिशनशिवाय ती कधी कोणत्याच चित्रपटाचा भाग झाली नाही.
ती म्हणाली की, तिच्या आगामी ‘आरके’ या चित्रपटासाठीही तिला स्क्रीन-टेस्ट द्यावी लागली आहे. मल्लिका शेरावत असेही म्हणाली की, अभिनेता जॅकी चॅननेही २००५ मध्ये, ‘द मिथ’ या चित्रपटात तिला कास्ट करण्यापूर्वी अनेक अभिनेत्रींचे ऑडिशन घेतले होते.
एका वृत्तवाहिनीशी बोलताना मल्लिका स्टार किड्सवरही भडकली. ती म्हणाली की, “मी काम मिळविण्यासाठी ऑडिशन दिले आहे. मी कधीही ऑडिशनशिवाय कोणता चित्रपट मिळवला नाही. इतकेच नव्हे, तर मला चित्रपटात घेण्यापूर्वी जॅकी चॅनने अनेक अभिनेत्रींचे ऑडिशन घेतले होते. ही प्रक्रिया नेहमीच होते, परंतु मला वाटत नाही की ही प्रक्रिया स्टार किड्सच्या बाबतीत देखील होईल.”
मल्लिका पुढे म्हणाली की, “यावेळी जेव्हा रजतने त्यांच्या चित्रपटासाठी माझ्याकडे संपर्क साधला, तेव्हा त्यांनी माझी लूक टेस्ट आणि स्क्रीन-टेस्ट केली. याशिवाय मला सांगितले गेले होते की, मी या भूमिकेसाठी योग्य नसेल, तर मला या चित्रपटात कास्ट केले जाणार नाही.”
आज मल्लिका तिच्या चित्रपटांसाठी ओळखली जात नसली, तरीही निर्भीड विधाने आणि बोल्ड अदांमुळे ती चर्चेत राहत असते. सोशल मीडियाच्या माध्यमातून ती तिच्या चाहत्यांशी संवाद साधत असते. याशिवाय ती सतत तिच्या ग्लॅमरस फोटोंद्वारे चाहत्यांना भुरळ पाडत असते.
मल्लिकाने २००२ साली आलेल्या ‘जीना सिर्फ मेरे लिए’ या चित्रपटाद्वारे सिनेसृष्टीत पाऊल ठेवले. पण मुख्य अभिनेत्री म्हणून तिने २००३ मध्ये आलेल्या ‘ख्वाहिश’ चित्रपटाद्वारे बॉलिवूडमध्ये पदार्पण केले होते. या चित्रपटात मल्लिकाने बोल्ड सीन देऊन सर्वत्र खळबळ उडवली होती. मल्लिकाने या चित्रपटात एकूण १७ किसिंग सीन्स दिले होते. टीव्हीवर अभिनय कारकीर्दीची सुरुवात करणार्या मल्लिका शेरावतने अमिताभ बच्चन, शाहरुख खान यांच्यासह बॉलिवूडमधील अनेक दिग्गजांसोबत काम केले आहे.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-‘वडिलांनाच मानले होते बॉयफ्रेंड’, नीना गुप्ता यांनी केला वैयक्तिक आयुष्याबद्दल खुलासा
-दगडाने संगीत वाजवत मुलाने ट्रेनमध्ये गायलं अरिजित सिंगचं गाणं; पाहा मन जिंकणारा व्हिडिओ
