कोरोना व्हायरसचा वाढता प्रसार पाहता बॉलिवूड कलाकार सोशल मीडियावर कोव्हिड रिसोर्सस संदर्भात प्रत्येकाला अपडेट देत आहेत. आलिया भट, अभिषेक बच्चन यांनी नुकतेच पोस्ट शेयर केली आहे की, कोरोनाच्या काळात आपण कशी काळजी घेतली पाहिजे. यानंतर आता अभिनेत्री तापसी पन्नूनेही ट्विटरवर कोणत्या माध्यमातून मदत मिळू शकते, हे सांगितले होते, परंतु यावेळी एका युजरने अभिनेत्रीला ट्रोल केले. तसेच तिला ‘स्वस्त’ असे म्हटले आहे. ट्रोलर्सच्या या वक्तव्यावर तापसी खूपच चिडली. तिने त्या युजरला चांगलाच धडा शिकविला.
खरं तर, तापसीच्या एका पोस्टवर युजरने लिहिले की, ‘तापसी फक्त ट्विट करत आहे. ती आपली लक्झरी कार देऊन इतरांना मदत करू शकेल का?’ यावेळी युजरने तापसीला स्वस्त (सस्ती) देखील म्हटले. हे ट्वीट वाचून अभिनेत्रीला इतका राग आला की, तिने युजरला उत्तर दिले, ‘तू तोंड बंद करशील का? जर तुम्हाला याबद्दल बोलायचे असेल, तर प्रथम देशाची परिस्तिथी सामान्य होऊ द्या, मग आपण तुमच्या मूर्खपणाकडे येऊ. माझ्या टाईमलाईनवर मूर्खपणाने बोलू नका, आणि मला जे करायचे आहे ते करू द्या.’
Can you please shut up! Like just STFU ! If this is all u wanna say in these times then hold on until this country gets back to breathing normally and then get back to your shit ways until then DONT CROWD MY TIMELINE WITH YOUR NONSENSE and let me do what I am doing! https://t.co/is6bUOG6mA
— taapsee pannu (@taapsee) April 26, 2021
तापसीच्या व्यावसायिक आयुष्याबद्दल बोलायचे झाले, तर तिने नुकताच एक रोमांचक चित्रपट साइन केला आहे. या चित्रपटाचे दिग्दर्शन अजय बहल करणार आहेत. याशिवाय तापसीकडे ‘रश्मी रॉकेट’, ‘लूप लपेटा’ चित्रपट आहेत. यावर्षी ‘थप्पड’ चित्रपटासाठी सर्वोत्कृष्ट अभिनेत्रीचा फिल्मफेअर पुरस्कार तापसीला मिळाला आहे.
काही दिवसांपूर्वी, आयकर विभागाने तापसी आणि अनुराग कश्यप यांच्या घरावर धाड टाकली होती. तापसीच्या घरावर धाड टाकल्यामुळे अनेकांनी अभिनेत्रीला ट्रोल केले होते. तापसी हिला यात काही फरक पडला नाही. तिने आपल्या आगामी प्रकल्पांमध्ये काम सुरू ठेवले आहे. इतकेच नाही, तर काही दिवसांपूर्वीच तिच्या नवीन घरात तिने पार्टी केली होती, ज्यात तिचे सर्व मित्र उपस्थित होते.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-ट्विटरनंतर आता कंगनाने साधला इंस्टाग्रामवर निशाणा, म्हणाली ‘२०२४ निवडणुकीत भाजपला धोका’
-‘अवघ्या १५ दिवसांत कोरोनाने माझा जिवलग मित्र खाल्ला!’ प्रविण तरडेंची फेसबुकवर भावनिक पोस्ट
