बॉलिवूड आणि टेलिव्हीजन जगात पडद्यावर प्रेक्षकांचं मन जिंकण्यासाठी अभिनेते आणि अभिनेत्री काहीही करण्यासाठी तयार असतात. तसेच ते आपल्या वैयक्तिक जीवनामुळेही चर्चेत असतात.
कलाकारांना चाहत्यांकडून कायम विशेष सन्मान दिला जातो. तसेच चाहत्यांमध्ये असताना कलाकार वागणे-बोलण्याबद्दल विशेष जागरुक असतात. अशातच जर त्यांच्याकडून काही अनुचित प्रकार घडला तर त्याच्या मोठ्या बातम्या होतात. बऱ्याच वेळा कलाकारांनी काही कारणामुळे सामान्य नागरिकांवर हात उगरल्याचे आपण पाहिले आहे, परंतू कधी कधी सामान्य नागरिकांनीही कलाकारांना पब्लिक प्लेस अर्थात सार्वजनिक ठिकाणी चोप दिल्याच्या घटना घडल्या आहेत.
चला तर मंडळी कधी कधी अशा घटना घडल्यात त्याच आज आपण पाहणार आहोत.
बॉलिवूडचा मोठा अभिनेता ‘इमरान हाश्मी’ला त्याच्या बायकोने कानाखाली मारली होती. याचा खुलासा खुद्द इम्रानने एका मुलाखतीमध्ये केला होता. इमरान हाश्मीने तेव्हा स्वतः सांगितले होते की, ‘त्याला बायकोकडून बऱ्याच वेळा मार खावा लागला आहे. परंतु त्याचा मार खाण्याचे कारण त्यांनी आजपर्यंत कोणालाच सांगितले नाही.’ इम्रानची बायको त्याच्याबद्दल प्रचंड पजेसिव्ह असल्याची वृत्त मागे माध्यमांनी दिली होती.
गौहर खानचं नाव जर कशामुळे जास्त चर्चेत आलं असेल तर ते भांडणांमुळे. सहकलाकार, रिलेशनशीपमधील व्यक्ती किंवा चाहते यांच्याबरोबर झालेल्या वादामुळे ती कायमच चर्चेत राहिली. एकदा तर एका म्युझिकच्या शोमध्ये होस्टिंग करत असताना एका चाहत्याने तीच्या श्रीमुखात भडकली होती. गौहर मुस्लिम असून अतिशय कमी कपडे घालत असल्याचा राग मनात धरुन त्याने ह कृत्य केले होते. पुढे त्या व्यक्तीविरुद्ध गौहरने पत्रकार परिषद घेतली होती. तसेच अशा लोकांना सोडलं नाही पाहिजे, नाहीतर मुलींसाठी हे मोठं धोक्याचं ठरेल असेही ती म्हणाली होती.
तीन लग्न करणाऱ्या करण सिंगची लग्नापुर्वीचे आणि लग्नानंतरचे जीवन फारच चर्चेत राहिले. करण व त्याच्या पहिल्या पत्नीचे भांडण हे एकप्रकारे जगजाहीर झाले होते. अनेक वेळा त्यांच्या भांडणाच्या बातम्या माध्यमांत आल्या होत्या. त्यानंतर करणने जेव्हा दुसरे लग्न केले तेव्हा त्याचेही असेच झाले. करणने दुसरं लग्न जेनिफर विंगेटबरोबर केले. तीने एकदा भांडण झाल्यावर करणच्या कानाखाली मारल्याचे वृत्त आले होते. त्यांच्यात नक्की काय झाले याबद्दल मात्र माध्यमांत कधीही कारण छापून आले नाही. पुढे जेनिफर सोबत घटस्फोट घेतल्यानंतर करणने बॉलिवूड अभिनेत्री बिपाशा बसू हिच्या सोबत लग्न केलं.
करण व्यतिरिक्त आर्यन वैदने देखील सगळ्यांसमोर कानाखाली खाल्ली आहे. ही त्या दिवसांमधील गोष्ट आहे जेव्हा आर्यन शूटिंग करत होते, तेव्हा त्यांची बायको सेटवर पोहचली. त्यानंतर त्या दोघांमध्ये कोणत्या तरी गोष्टीवरून भांडण सुरू झालं, तेव्हा त्याच्या बायकोने सगळ्यांसमोर आर्यनच्या कानाखाली मारल्याचे वृत्त आले होते.