टीव्ही अभिनेत्री वैष्णवी धनराजचा एक व्हिडिओ सोशल मीडियावर समोर आला आहे. ज्यामध्ये अभिनेत्री मदतीची याचना करताना दिसत आहे. वैष्णवी धनराज हिच्या चेहऱ्यावर व शरीरावर अनेक जखमांच्या खुणा आहेत. व्हिडिओमध्ये अभिनेत्रीने सांगितले की, तिच्या कुटुंबीयांनी तिला मारहाण केली. वैष्णवी धनराज अनेक मोठ्या टीव्ही शोचा भाग आहे. क्राईम ड्रामा शो सीआयडी (CID), तेरे इश्क में घायाल आणि बेपन्ना यासारख्या लोकप्रिय शोचा ती भाग आहे.
वैष्णवी धनराजने तिच्यासोबत झालेल्या भांडणाबद्दल बोलताना स्वतःचा एक व्हिडिओ जारी केला आणि सर्वांना मदत करण्याची विनंती केली. अभिनेत्रीने तिच्या चेहऱ्यावर, ओठांवर आणि हातावर झालेल्या जखमांच्या खुणा कॅमेऱ्यात दाखवल्या. वैष्णवी धनराजने सांगितले की, तिने हा व्हिडिओ पोलीस ठाण्यातून शूट केला आहे.
वैष्णवी धनराज व्हिडिओमध्ये म्हणाली, ‘नमस्कार, मी वैष्णवी धनराज आहे. मला आत्ता खरोखर मदतीची गरज आहे. मी सध्या काशिमीरा (मीरा रोड) पोलीस ठाण्यात असून मला माझ्या कुटुंबीयांनी मारहाण केली आहे. मला खूप मारहाण झाली आहे. कृपया मला तुमच्या सर्व मदतीची गरज आहे. मीडिया, न्यूज चॅनेल्स आणि इंडस्ट्रीतील सर्व लोक कृपया या आणि मला मदत करा.’
याआधीही वैष्णवी धनराज शारीरिक अत्याचाराला बळी पडली आहे. अभिनेत्रीला तिच्या लग्नात घरगुती हिंसाचाराचा सामना करावा लागला होता. वैष्णवी धनराजने 2016 मध्ये अभिनेता नितीन शेरावतसोबत लग्न केले. काही दिवसांपूर्वी दिलेल्या एका मुलाखतीत अभिनेत्रीने खुलासा केला होता की, ती घरगुती हिंसाचाराला बळी पडली होती आणि त्यामुळे तिचा घटस्फोट झाला होता.
She is #VaishnaviDhanraj, who did TV shows like #CID, #Madhubala, #Bepannaah etc.
Right now she is in #KashimiraPolice station. And she needs help from the media.
I don’t have words to express my gratitude to #MumbaiPolice. You guys are loving, helpful and amazing. Love you❤️ pic.twitter.com/qVTFL0318a
— K Himaanshu Shuklaa (@khimaanshu) December 15, 2023
वैष्णवी धनराज म्हणाली, “त्याने माझा जीव घेतला नसता, पण मी इतकी घाबरली की मी घरातून पळून गेले. त्याने मला एवढ्या बेदम मारहाण केली की माझ्या पायाला रक्तस्त्राव झाला. त्याची पत्नी म्हणून भावनिक, शारीरिक आणि मानसिकदृष्ट्या तो माझा शेवटचा दिवस होता. शेवटी मला घटस्फोट मिळाला.” (CID Actress Vaishnavi Dhanraj Assault Video Viral Injured Actress)
आधिक वाचा-
–Riteish-Genelia: रितेश देशमुख आणि जेनेलियाचा ‘तो’ व्हिडिओ पाहून नेटकरी संतापले; म्हणाले, ‘व्हिडिओ बनवू नका…’
–Sam Bahadur Box Office Collection: ‘सॅम बहादूर’च्या कमाईत मोठी घट; 14व्या दिवशी केली ‘एवढीच’ कमाई
