‘खिलाडी’ अक्षयमुळे उडाली कपिलची झोप; म्हणाला, ‘मी तर झोपलो नाही, प्रेक्षकांमधील काही लोक टॉयलेटसाठीही…’

बॉलिवूडमध्ये असे अनेक कलाकार आहेत, जे त्यांच्या अभिनयाबरोबरच फिटनेससाठी आणि विनोदबुद्धीसाठी ओळखले जातात. यापैकीच एक अभिनेता म्हणजे ‘खिलाडी’ अक्षय कुमार होय. अक्षय सकाळी लवकर उठून कामावर जातो, हे सर्वांनाच माहिती आहे. मग ते कोणत्या चित्रपटाची शूटिंग असो किंवा टीव्ही शोची. त्याला सकाळी लवकर उठून शूटवर जाण्याची सवय आहे. अनेकदा त्याच्यामुळे इतर कलाकारही शूटवर लवकर जातात. कपिल शर्मालाही अक्षय आल्यानंतर आपल्या शोची शूटिंग लवकर करावी लागते.

कपिलने अनेकदा आपल्या ‘द कपिल शर्मा शो’मध्ये याचा उल्लेख केला आहे. अशातच आता त्याने नवीन व्हिडिओ शेअर केला आहे. या व्हिडिओमध्ये तो सांगत आहे की, “अक्षय पाजीसोबत माझे शूट आहे आणि मी रात्रभर झोपलेलो नाहीये. कारण आम्ही रात्रभर हे काम करत होतो. सेट तयार होत होता आणि आताही झाला नाहीये. मात्र, काय करणार ना अक्षय कुमार आहे, त्यांना काय सांगणार?” (Comedian Kapil Sharma Reveal How Show Full Team And Audience Prepare Themselves When Akshay Kumar Came For Shoot)

तसेच पुढे बोलताना कपिल शर्मा म्हणतो की, “मी तर झोपलो नाही. मात्र, प्रेक्षकांमधील काही लोक तर टॉयलेटसाठीही उठले नाहीत.” असे बोलल्यानंतर तो जोरजोरात हसू लागतो आणि त्यानंतर अक्षयची एन्ट्री होते. त्यावेळी तो कपिलच्या पाया पडताना दिसतो.