‘द कपिल शर्मा शो पुन्हा एकदा प्रसिद्धीच्या झोतात आला आहे. पण यावेळी तो शो बंद झाल्यामुळे किंवा विवेक अग्निहोत्रीच्या (Vivek Agnihotri) ‘द काश्मीर फाइल्स’चे प्रमोशन न केल्यामुळे प्रसिद्धीच्या झोतात आला नाही. सुमोना चक्रवर्ती (Sumona Chakravarti) लवकरच या शोला अलविदा करणार असल्याच्या बातम्या येत आहेत. या प्रकरणी सुमोनाच्या बाजूने कोणतेही वक्तव्य आले नसले तरी सुमोनाचे नव्या प्रोजेक्टकडचे लक्ष वेधणारे आहे.
खरंतर, सुमोना आता कपिलचा शो सोडून ‘शोना बंगाल’ हा बंगाली शो करणार आहे. यामध्ये सुमोनाला बंगालचे सौंदर्य पाहण्याची संधी मिळणार आहे. हा शो झी झेस्टवर ३० मार्चपासून रात्री ८ वाजता प्रसारित होईल. सुमोनाने तिच्या इंस्टाग्राम अकाउंटवर शोचा प्रोमोही शेअर केला आहे.
या शोबद्दल बोलताना सुमोना म्हणाली की, “या शोचा भाग बनून मला खूप आनंद होत आहे. या शोच्या माध्यमातून मला माझ्या आयुष्याचा एक भाग असलेल्या पण दुरून आलेल्या गोष्टी उलगडण्याची संधी मिळणार आहे. शोमध्ये, मला विविध सांस्कृतिक पार्श्वभूमीतील लोकांशी संवाद साधण्याची संधी मिळेल, जो माझ्यासाठी एक अद्भुत अनुभव असेल. बंगालचे सौंदर्य मला आश्चर्यचकित करण्यात कधीही कमी पडत नाही. या शोचा एक भाग असण्याचा मला अत्यंत सन्मान वाटतो.”
सुमोनाने सोडली कपिलची साथ
गेल्या काही काळापासून ‘द कपिल शर्मा शो’च्या वेगवेगळ्या बातम्या येत आहेत. आता असे मानले जात आहे की, कपिलची आवडती सुमोना त्याची साथ सोडून नवीन शोमध्ये सामील झाली आहे. या गोष्टी बोलण अजिबात सोप नाही. खर तर, सुमोनाच्या नवीन शोचा प्रोमो समोर आला आहे. ‘द कपिल शर्मा’मध्ये आपल्या कॉमेडीने प्रेक्षकांना हसवणारी सुमोना एका बंगाली शोमध्ये दिसणार आहे.
सुमोना पुढे म्हणाली की, “जेव्हा झी झेस्टच्या टीमने याबद्दल तिच्याशी संपर्क साधला तेव्हा मला वाटले की, ही अशी गोष्ट आहे ज्याचा भाग व्हायला मला आवडेल. मला नेहमीच प्रवास करणे, नवीन ठिकाणे आणि संस्कृती एक्सप्लोर करणे आवडते आणि माझ्या स्वत: च्या बंगाल राज्याला अधिक चांगल्या प्रकारे एक्सप्लोर करण्यापेक्षा ते करण्याचा कोणता चांगला मार्ग आहे.” सुमोनाने ‘द कपिल शर्मा शो’ सोडण्याबाबत अद्याप काहीही सांगितले नसले तरी ती यापुढे या शोचा भाग राहणार नसल्याची अटकळ बांधली जात आहे.
