टीव्ही अभिनेत्री देबिना बॅनर्जी (debina bonergi)तिच्या दुसऱ्या प्रेग्नेंसीमुळे चर्चेत आहे. लोकांसाठी हे आश्चर्यकारक आहे, कारण ४ महिन्यांपूर्वी ही अभिनेत्री एका मुलीची आई झाली होती. अशा परिस्थितीत दुसऱ्या गर्भधारणेची घोषणा काही लोकांना पचनी पडत नाही. अलीकडे, देबिना बॅनर्जीने सोशल मीडियावर ‘आस्क मी एनीथिंग’ सत्र केले, ज्यामध्ये अनेक वापरकर्त्यांनी अभिनेत्रीच्या दुसऱ्या गर्भधारणेवर प्रतिक्रिया व्यक्त केल्या आणि प्रश्न विचारले. त्याला देबिना बॅनर्जी यांनीही चोख उत्तर दिले.
एका यूजरने देबिना बॅनर्जीला सांगितले की, दुस-या मुलाच्या आधी तिने लियाना चौधरीला थोडा वेळ द्यावा. यावर, अभिनेत्रीने उत्तर देताना, युजरला उलट विचारले, “मी देखील विचारते आहे, ज्यांना जुळी मुले आहेत ते काय करतात?”
त्याच वेळी, यूजरने अभिनेत्रीला सांगितले की तिला तिच्या पहिल्या गर्भधारणेत खूप समस्यांचा सामना करावा लागला. अशा स्थितीत त्यांनी दुसऱ्या गर्भधारणेसाठी १ किंवा २ वर्षे वाट पाहावी. यावर प्रतिक्रिया देताना अभिनेत्री म्हणाली, “या परिस्थितीत तुझे काय मत आहे? मी याला चमत्कार म्हणू का? किंवा मी गर्भपात करावा?” मात्र, अनेक चाहते देबिनाच्या गरोदरपणाबद्दल तिचे अभिनंदन करताना दिसले.
View this post on Instagram
अभिनेता गुरमीत चौधरीने माध्यमांशी संवाद साधताना दुस-यांदा वडील झाल्याच्या भावना व्यक्त केल्या आहेत. तो म्हणाला, “खूप आनंद होत आहे. ‘हम दो हमारे दो’ या संकल्पनेवर माझा नेहमीच विश्वास होता. माझा नेहमीच असा विश्वास आहे की, लहान मूल मोठे होत असताना त्याला नेहमी भावंडाची गरज असते. मी आणि देबिना दोघेही कामात खूप व्यस्त आहोत. लियानाला आता जोडीदार मिळेल.” याशिवाय गुरमीत म्हणाला, “दुहेरी उत्सवाव्यतिरिक्त मला एक विशेष प्रकारची जबाबदारीही जाणवते. लवकरच लियानाला एक भाऊ किंवा बहीण असेल आणि ‘हम दो हमारी दो’ कुटुंबाचे माझे स्वप्न पूर्ण होईल.
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
हेही वाचा-
‘जगातील कोणतीही शक्ती आम्हाला…’ बॉयकॉट बॉलिवूडवर विवेक अग्निहोत्रींची खळबळजनक प्रतिक्रिया समोर
मृत्यू आधी जिया खानवर शारीरिक अत्याचार करायचा सूरज पांचोली, अभिनेत्रीच्या आईचा मोठा खुलासा
‘मला माफ करा…’ शेहनाज गिलने ‘या’ कारणामुळे मागितली प्रेक्षकांची माफी
