दीपिका सिंग (Deepika Singh) ही एक लोकप्रिय टीव्ही अभिनेत्री आहे, जी आता बॉलिवूडमध्ये थैमान घालण्यासाठी सज्ज झाली आहे. दीपिकाच्या पदार्पण चित्रपटाचे नाव ‘टीटू अंबानी’ आहे, ज्यामध्ये ती मॉडर्न मुलीच्या भूमिकेत दिसणार आहे. या चित्रपटासाठी अभिनेत्री खूप उत्सुक आहे आणि आता या चित्रपटाचा ट्रेलरही रिलीझ झाला आहे, जो खूपच मजेदार आहे. या चित्रपटात दीपिका ‘मौसमी’ नावाच्या मुलीची भूमिका साकारत आहे, जिला स्वतःच्या अटींवर जगणे आवडते. तसेच ‘आश्रम’ या वेब सीरिजमध्ये दिसलेला अभिनेता तुषार पांडे (Tushar Panday) यात मुख्य भूमिकेत दिसणार आहे.
चित्रपटाची कथा एका मध्यमवर्गीय कुटुंबाची आहे, ज्यामध्ये एकुलती एक मुलगी तिचे संपूर्ण घर चालवते. पण तिच्या आई-वडिलांना मुलीने लग्न करावे असे वाटते. ट्रेलरची सुरुवात देखील मौसमीच्या (दीपिका सिंग) लग्नापासून होते, जिथे तिचे पालक तिला एका मुलाचा फोटो दाखवतात. परंतु मौसमीला टिटूसोबत (तुषार पांडे) लग्न करायचे आहे, कारण दोघेही एकमेकांच्या प्रेमात आहेत. मात्र लग्नानंतर दोघांच्याही आयुष्यात मोठे बदल घडतात. (deepika singh movie titu ambani trailer release)
काही काळापूर्वी दीपिका सिंगने एक मुलाखत दिली होती, ज्यामध्ये अभिनेत्री म्हणाली होती, “मौसमीला वाटते की टीटू आणि तो एकमेकांसाठी बनलेले आहेत. पण त्रास होतो, जेव्हा टीटूच्या निर्णयामुळे त्यांच्यातील प्रेम कमी होते आणि नाते धोक्यात येते. मौसमीचे पात्र माझ्या हृदयाच्या खूप जवळ आहे. ही एक अशी मुलगी आहे, जिने आपल्या आयुष्याचे काही नियम बनवले आहेत आणि ती आपल्या तत्वांशी तडजोड करू शकत नाही. हा एक जीवनपट आहे, मध्यमवर्गीय कुटुंबातील ही साधी प्रेमकथा अतिशय मनोरंजक पद्धतीने जीवनाचा मोठा संदेश देते.”
दीपिका सिंग आणि तुषार पांडे यांचा हा चित्रपट १८ जुलैला प्रदर्शित होत आहे. या चित्रपटात रघुबीर यादव, सपना वाळू, वीरेंद्र सक्सेना, समता सागर आणि ब्रिजेंद्र काला यांसारखे कलाकारही मुख्य भूमिकेत दिसणार आहेत. या चित्रपटाचा दिग्दर्शक रोहित गोयल आहे, जो दीपिका सिंगचा नवरा आहे. ‘दिया और बाती हम’ या मालिकेच्या शूटिंगदरम्यान दीपिका आणि या मालिकेचा दिग्दर्शक रोहित गोयल जवळ आले आणि २०१४ मध्ये त्यांनी लग्न केले. त्यांना सोहम गोयल नावाचा मुलगाही आहे.
