बॉलिवूडची कॉन्ट्रोव्हर्सी क्वीन कंगना रणौत (Kangana Ranaut) डिजिटलविश्वात पदार्पण करणार आहे. टीव्ही जगताची राणी एकता कपूरसोबत (Ekta Kapoor) ती या नव्याने पदार्पण करत आहे. मात्र एकता कपूर आणि कंगनाचा हा प्रसिद्ध रियॅलिटी शो लॉक अप प्रदर्शित होण्यापूर्वीच कायदेशीर अडचणीत सापडला आहे. हा शो १७ फेब्रुवारीपासून ऑन एअर होणार होता. मात्र आता समोर आलेल्या बातम्यांनंतर या शोची प्रदर्शन डेट वाढवली जाऊ शकते. एका याचिकाकर्त्याने या बहुप्रतिक्षित शो लॉक अपवर संकल्पना चोरीचा आरोप केला आहे.
हैदराबाद कोर्टाने अर्जावर केली सुनावणी
एकता कपूरच्या शोवर कॉन्सेप्ट चोरीचा आरोप करणाऱ्या याचिकाकर्त्याचे नाव श्री सनोबर बेग आहे. त्यांनी तुरुंगाची संकल्पना चोरल्याचा आरोप केला आहे. कारागृह संकल्पनेच्या कथा आणि पटकथेवर ते एकमेव हक्कदार असल्याचे ते सांगतात. हैदराबादच्या सिटी सिव्हिल कोर्टात त्यांच्या अर्जावर सुनावणी झाली. त्यानंतर न्यायालयाने ‘लॉक अप शो’ सोडण्याबाबत अंतरिम मनाई आदेश जारी केला आहे.
शोचे रोखले प्रदर्शन
मिळालेल्या माहितीनुसार, कोर्टाने या बहुप्रतिक्षित शो लॉक अपचा ट्रेलर पाहिला आणि त्याची कॉपी सापडली. त्यानंतर कोर्टाने तात्काळ नोटीस देऊन शोच्या प्रदर्शनावर कोणत्याही प्रकारे बंदी घालण्याचा आदेश दिला.
जाणून घ्या याचिकाकर्ते बेग काय म्हणाले?
याचिकाकर्ते मिस्टर बेग म्हणाले की, “लॉक अप या शोचे प्रोमो पाहिल्यावर मला धक्का बसला. एन्डेमोल शाइनचे अभिषेक रेगे यांच्याशी मी बराच काळ संपर्कात आहे आणि हैदराबादमध्ये या विषयावर आमच्या अनेक बैठका झाल्या. त्यांनी मला वचन दिले की, एकदा मार्केट चांगले झाले की आम्ही त्यावर काम करू. हा शो आमच्या संकल्पनेसारखा नसून त्याची संपूर्ण कॉपी आहे.”
विश्वास नाही बसत
यासोबतच श्री. बेग म्हणाले की, “अशा प्रकारे संकल्पना कोणी चोरू शकेल यावर माझा विश्वास नाही. आम्ही कॉपीराइट उल्लंघनासाठी न्यायालयात अर्ज केला आणि आम्हाला स्थगिती आदेश मिळाला आहे. तरीही हा शो ऑन एअर झाला तर तो न्यायालयाचा अवमान ठरेल. माझा न्यायव्यवस्थेवर विश्वास आहे. आम्हाला न्याय मिळेल.”
जाणून घ्या काय आहे हा लॉक अप शो
अभिनेत्री कंगना रणौतने होस्ट केलेल्या ‘लॉक अप’ या रियॅलिटी शोमध्ये १६ स्पर्धक मूलभूत सुविधांसाठी स्पर्धा करणार आहेत. २७ फेब्रुवारीपासून ते अल्ट बालाजी आणि एमएक्स प्लेयरवर प्रसारित होणार आहे.
हेही वाचा :
- सखी गोखले रोज मारते तिच्या शाळेला फेरफटका, स्वतःच केला खुलासा
- केवळ ४८ तासांत पन्नास हजारांहून अधिक लोकांनी युक्रेनला ठोकला रामराम, अँजेलिना जोलीने शेअर केला व्हिडिओ
- माधुरी दीक्षितच्या ‘चोली के पीछे क्या है’ गाण्यावर भोजपुरी अभिनेत्री निधी झाने धरला ठेका
