बॉलीवूडचा किंग खान म्हणून ओळखले जाणारे शाहरुख खान हा त्याच्या फिटनेससाठी देखील प्रसिद्ध आहेत. अनेक चित्रपटांमध्ये शाहरुखने त्याच्या सिक्स पॅक्स दाखवले आहेत. शाहरुखच्या ‘ओम शांती ओम’ या चित्रपटामधील ‘दर्द ए डिस्को’ या गाण्यात देखील तुम्हाला शाहरुखचे सिक्स पॅक्स दिसतील. ‘ओम शांती ओम’ या चित्रपटाला रिलीज होऊन 10 नोव्हेंबर 16 वर्ष झाली आहेत. या निमित्ताने कोरिओग्राफर फराह खाननं एका मुलाखतीत एक मजेदार किस्सा सांगितला.
फराह खाननं (Farah Khan) सांगितलं की, “‘ओम शांती ओम’मधील ‘दर्द ए डिस्को’ या गाण्याच्या शूटिंगवेळी मी प्रेग्नंट होते. तेव्हा मला सतत नॉशिया वाटत होता. दर्द ए डिस्को गाण्याचं शूट सुरु असताना शाहरुखने शर्ट काढल्यानंतर मी सेटवर ठेवलेल्या बादलीत उलटी केली होती. मी तेव्हा शाहरुखला सांगत होते की, तुझी बॉडी बघून मला उलटी होत नाहीये तर प्रेग्नन्सीमुळे मला असं होतं आहे.”
शाहरुख खानसोबतच दीपिका पादुकोण, श्रेयस तळपदे आणि अर्जुन रामपाल यांनी देखील ओम शांती ओम या चित्रपटामध्ये प्रमुख भूमिकेत झळकले आहेत. या चित्रपटामधील डायलॉग्स आणि चित्रपटाच्या कथानकाला प्रेक्षकांची पसंती मिळाली होती.
‘एक चुटकी सिंदूर की कीमत तुम क्या जानो महेश बाबू…’, ओम शांती ओम या चित्रपटामधील दीपिकाच्या डायलॉगला प्रेक्षकांची विशेष पसंती मिळाली. “इतनी शिद्दत से मैंने, तुम्हें पाने की कोशिश की है, कि हर जर्रे ने मुझे, तुमसे मिलाने की साजिश की है” या शाहरुखच्या डायलॉगनं देखील अनेकांचे लक्ष वेधले.
पठाण आणि जवान या चित्रपटानंतर शाहरुखचा डंकी हा चित्रपट रिलीज होणार आहे. ‘डंकी’ हा बहुचर्चित चित्रपट 22 डिसेंबर 2023 रोजी रिलीज होणार आहे. या चित्रपटात शाहरुख व्यतिरिक्त तापसी पन्नू, दिया मिर्झा, धर्मेंद्र, बोमन इराणी, सतीश शाह महत्त्वपूर्ण भूमिकेत दिसणार आहेत. हा चित्रपट बॉक्स ऑफिसवर किती कमाई करणार? याकडे अनेकांचे लक्ष लागले आहे. (Farah Khan tells the story of the shooting of the song Dard E Disco from Shahrukh film Om Shanti Om)
आधिक वाचा-
–दिवाळी स्पेशल कियाराचा ‘हा’ फोटो पाहिला का?
–आकांक्षा पुरी हिने केली बोल्डनेसची हद्दपार, ‘तो’ व्हिडीओ तूफान व्हायरल, एकदा पाहाच
