‘काली’ या माहितीपटाच्या पोस्टरवर देवी धूम्रपान करताना आणि एलजीबीटीक्यू ध्वज हातात धरलेली दिसत आहे. यामुळे चित्रपट निर्माती लीना मणिमेकलाई (Leena Manimekalai) हिला टीकेचा सामना करावा लागत आहे. दरम्यान तिने सोमवारी (४ जुलै) सांगितले की, ती जिवंत आहे तोपर्यंत ती निर्भय आहे. तसेच याबद्दल आवाज उठवत राहील.
या सगळ्या दरम्यान, आता उत्तर प्रदेशातील लखनऊमधील हजरतगंज पोलिस स्टेशनमध्ये लीना मणिमेकलाईच्या विरोधात एफआयआर दाखल करण्यात आला आहे. पोलिसांनी चित्रपट निर्माती लीना मणिमेकलाई यांच्यावर गुन्हेगारी कट रचणे, प्रार्थनास्थळावरील गुन्हेगारी, हेतुपुरस्सर धार्मिक भावना दुखावणे, शांतता भंग करण्याच्या हेतू, असे आरोप केले आहेत. (FIR filed againts Leena Manimekalai for kaali poster)
‘काली’च्या पोस्टरने सोशल मीडियावर वादळ निर्माण केले असून, ‘#ArrestLeenaManimekalai’ या हॅशटॅगने हा वाद ट्रेंड करत आहे. सोशल मीडियावर विरोध करणाऱ्यांनी चित्रपट निर्मात्यांनी धार्मिक भावना दुखावल्याचा आरोप केला आहे. दरम्यान, ‘गौ महासभा’ नावाच्या संघटनेच्या सदस्याने सांगितले की, त्यांनी दिल्ली पोलिसांकडे तक्रार केली आहे.
शाब्दिक हल्ल्यांना प्रत्युत्तर देताना, टोरंटो-आधारित चित्रपट दिग्दर्शकाने प्रत्युत्तर दिले आहे. ते म्हणाले की, ते यासाठी आपला जीव देण्यासाठीही तयार आहेत. या वादावरील लेखाला उत्तर देताना लीनाने तमिळ भाषेत ट्विटर पोस्टमध्ये लिहिले की, “माझ्याकडे गमावण्यासारखे काही नाही. जोपर्यंत मी जिवंत आहे तोपर्यंत मला निर्भय वाणी म्हणून जगायचे आहे. हा चित्रपट माझ्या जीवाची किंमत असेल तर तीही देता येईल.”
पोस्टरचा संदर्भ समजून घेण्यासाठी लोकांनी चित्रपट पाहावा, असे आवाहनही मणिमेकलाईने केले आहे. दुसर्‍या लेखाच्या प्रतिसादा ती म्हणाली, हा चित्रपट टोरंटोच्या डाउनटाउनच्या रस्त्यावर कालीच्या फिरण्याच्या एका संध्याकाळी घडलेल्या घटनांबद्दल आहे. जर लोकांनी हा चित्रपट पाहिला तर ते ‘#ArrestLeenaManimekalai’ ऐवजी ‘#LoveYouLeenaManimekalai’ हा हॅशटॅग वापरतील.
दैनिक बोंबाबोंबचा व्हाट्सअप ग्रूप जॉईन करण्यासाठी या लिंकवर क्लिक करा
हेही वाचा
