पंजाबी सिंगर सिद्धु मूसेवालाच्या (Siddu Moosewala) हत्येने देशभरात सध्या गंभीर वातावरण असतानाच पुन्हा एका रॅपरची गोळ्या घालून हत्या केल्याची बातमी समोर आली आहे. जॉर्जियामध्ये रविवारी अटलांटाचा रॅपर ट्रबलची गोळ्या घालून हत्या करण्यात आली आहे. या रॅपरचा मृतदेह त्याच्या अपार्टमेंटमध्येच सापडला होता. पोलिसांनी दिलेल्या माहितीनुसार, रॅपरच्या शरीरावर गोळ्यांच्या खुणा होत्या. यूएसए टुडेच्या मते, रॉकडेल काउंटी शेरीफच्या प्रवक्त्या जेडेडियाह कॅन्टीने एका पत्रकार परिषदेत सांगितले की रॅपर ट्रबलचे (Rapper Trouble) खरे नाव मारिएल सेमोंटे ओर आहे. रविवारी पहाटे 3:20 वाजता लेक सेंट जेम्स अपार्टमेंटमध्ये 34 वर्षीय रॅपरचा मृतदेह जमिनीवर पडलेला आढळून आला. त्याच्या शरीरावर गोळीच्या जखमा होत्या.
या खून प्रकरणातील संशयित मिशेल जोन्स हिच्या अटकेसाठी वॉरंट जारी करण्यात आल्याचे शेरीफ कार्यालयाने म्हटले आहे. मात्र, त्याला अद्याप ताब्यात घेण्यात आलेले नाही. शेरीफच्या कार्यालयानुसार, ट्रबल आवारात राहणाऱ्या एका महिला मैत्रिणीला भेटण्यासाठी गेला होता. यातूनच हाणामारी आणि खून झाल्याचे बोलले जात आहे. अहवालानुसार, जोन्स त्या महिलेला ओळखत होता, परंतु ट्रबलला तो ओळखत नव्हता.
ट्रबलने 2011 मध्ये ’17 डिसेंबर’ नावाचा पहिला मिक्सटेप रिलीज केला. त्यानंतर त्याने 2018 मध्ये ‘एजवूड’ अल्बम रिलीज केला, ज्यामध्ये कलाकार ड्रेक होता. पुन्हा 2018 मध्ये, ट्रबलने “माझे संगीत वैयक्तिक पातळीवरील आहे. ही गाणी म्हणजे माझ्या आयुष्यातील कथा आहेत. कधी कधी कोण बाहेर येते आणि काय चालले आहे याची मला पर्वा नसते. दुसऱ्या कोणाची गाणी कॉपी करणे किंवा चोरणे मला आवडत नाही. असे बिलबोर्डला सांगितले होते. या गायकाच्या मृत्यूने सर्वांनाच धक्का बसला आहे.
