बॉलिवूडचे दिग्गज अभिनेते, निर्माता आणि दिग्दर्शक सतीश कौशिक यांचा आज वाढदिवस. काही दिवसांपूर्वीच त्यांचे दुःखद निधन झाले. दिल्लीत गुडगाव येथे प्रवासादरम्यान त्यांचे निधन झाले. हृदयविकाराच्या झटक्याने बॉलिवूडच्या या दिग्गज अभिनेता आणि दिग्दर्शकाने सर्वांचाच निरोप घेतला. मात्र, सतीश कौशिक यांना त्यांचे चाहते आणि हिंदी सिनेसृष्टीवर प्रेम करणारा कोणताही व्यक्ती कधीच विसरु शकत नाही.
अभिनेता म्हणूनही सतीश कौशिक यांनी करियरमध्ये अनेक महत्त्वाची पात्रे साकारली. त्यांनी अनेक सहाय्यक भूमिकांसह खलनायकाच्या भूमिकाही साकारल्या आहेत. बहुतेक चित्रपटांत त्यांनी विनोदी अभिनेता म्हणून काम केले. त्यांच्या पाच सर्वोत्कृष्ट पात्रांबद्दल आपण जाणून घेणार आहोत.
मि. इंडिया-
या यादीत पहिले नाव ‘मि. इंडिया’ या चित्रपटाचे येते. या चित्रपटात त्याने कॅलेंडरची भूमिका साकारली होती. या चित्रपटात अनिल कपूर आणि श्रीदेवी मुख्य भूमिकेत होते. चित्रपटातील त्याचे पात्र चांगलेच गाजले.
स्वर्ग-
सन 1990 साली आलेल्या ‘स्वर्ग’ चित्रपटातही त्यांनी अप्रतिम भूमिका साकारली. या चित्रपटात कौशिक हे गोविंदासोबत सहाय्यक भूमिकेत दिसले होता. यातील त्यांचे डायलॉगही मोठ्या प्रमाणात हिट ठरले.
साजन चले ससुराल-
सन 1997 मध्ये त्यांनी गोविंदा, तब्बू आणि करिश्मा कपूर अभिनित ‘साजन चले ससुराल’ मध्ये मुथु स्वामीची भूमिका साकारली होती. यातील सतीश कौशिकची व्यक्तिरेखा चांगलीच पसंत केली गेली. त्याची कॉमिक टायमिंग कमालीची होती.
मिस्टर अँड मिसेस खिलाडी-
सन 1997 मध्ये आलेला अक्षय कुमार अभिनीत ‘मिस्टर अँड मिसेस खिलाडी’ या चित्रपटात सतीश कौशिक यांनी ज्योतिषाची भूमिका साकारली होती. यात त्यांनी अक्षय कुमारच्या मामाची भूमिका साकारली होती.
देख तमाशा देख-
सन 2014 मध्ये प्रदर्शित झालेल्या ‘देख तमाशा देख’ या चित्रपटात सतीश कौशिक मुख्य भूमिकेत दिसले होते. या चित्रपटात सतीश यांनी मुथासेठची भूमिका साकारली होती. राजकारण आणि समाजात पसरलेल्या दुष्परिणामांवर हा चित्रपट आधारित होता.
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
हेही वाचा-
सिक्स पॅक्सला व्हीएफएक्स म्हणणाऱ्या ट्रोलर्ससाठी शर्टलेस झाला सलमान, फ्लॉन्ट केली टोन्ड बॉडी
भरलेल्या स्टेडियममध्ये अभिषेकवर चिडली ऐश्वर्या; भाची नव्यावर देखील दाखवला राग, व्हिडिओ व्हायरल
