बॉलिवूड अभिनेता सलमान खानचा सुपरहिट चित्रपट ‘बजरंगी भाईजान’ने बॉक्स ऑफिसवर जोरदार कमाई केली आहे. याच चित्रपटातील ‘मुन्नी’ची भूमिका साकारणारी अभिनेत्री हर्षाली मल्होत्रा ही शूटिंग दरम्यान खूप लहान होती. पण आता बरीच मोठी झाली आहे.आजकाल हर्षालीच्या स्टाईलबद्दल सोशल मीडियावर बरीच चर्चेत होत आहे. ‘बजरंगी भाईजान’ चित्रपटातील तिचे निरागस पात्र लोकांना चांगलेच आवडले होते. आता लोकांना हर्षालीच्या नृत्याचे व्हिडिओही आवडू लागले आहेत. हर्षाली मल्होत्राने तिचा आणखी एक डान्सचा व्हिडिओ शेअर केला आहे. ज्यात ती जबरदस्त डान्स स्टेप्स करताना दिसून येत आहे. तिचा हा व्हिडिओ मोठ्या प्रमाणात व्हायरल होत आहे.
डान्सचा व्हिडिओ केला शेअर
हर्षाली मल्होत्राने तिचा डान्स व्हिडिओ अधिकृत इंस्टाग्राम अकाऊंटवर शेअर केला आहे. या व्हिडिओमध्ये हर्षाली मल्होत्रा ’Tem Que Bater feat’ या गाण्यावर डान्स करताना दिसून येत आहे. या व्हिडिओमधील तिची शैली इतकी जबरदस्त आहे की, चाहते तिचे कौतुक करण्यापासून स्वतःला रोखू शकत नाहीत. (After watching the abandoned dance video of ‘Bajrangi Bhaijaan’ fame ‘Munni’, the fans said, ‘Munni has grown up’)
तिने हा व्हिडिओ शेअर करत लिहिले आहे की, “धैर्याची सर्वात मोठी परीक्षा म्हणजे हार न मानता पराभव सहन करणे.”
व्हिडिओमध्ये हर्षालीने क्रीम कलरचा ड्रेस घातलेला दिसत आहे. त्याचवेळी तिच्या एका चाहत्याने कमेंट देखील केली आहे. त्याने असे लिहिले की, “मुन्नी मोठी झाली आहे.” तसेच दुसऱ्या एका चाहत्याने “अप्रतिम,” असेही लिहिले आहे.
हर्षाली या चित्रपटांमध्ये केलंय काम
हर्षाली मल्होत्राची अभिनय क्षेत्रातील कारकिर्दीची सुरुवात २०१५ च्या ‘बजरंगी भाईजान’ या चित्रपटाने झाली होती. या चित्रपटातील तिच्या अभिनयाने ती एका रात्रीत प्रसिद्ध झाली होती. लोकांना मुन्नीची सलमान खानसोबतची केमिस्ट्री खूपच आवडली होती. या चित्रपटानंतर तिने अर्जुन रामपालसोबत ‘नास्तिक’ मध्येही काम केले आहे.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-अभिनेत्री सारा अली खानने पॅपराजींसोबत साजरा केला तिचा वाढदिवस, व्हिडिओ सोशल मीडियावर व्हायरल
-आमिर काढत होता कियाराचा अडकलेला मास्क; पण नेटकऱ्यांनी केले जोरदार ट्रोल, म्हणाले…
