बॉलिवूडचे चाहते फक्त भारतातच आहेत असे नाही, तर सातासमुद्रापारही ते पाहायला मिळतात. हॉलिवूडमधील असेल अनेक कलाकार आहेत, ज्यांचे बॉलिवूडवर प्रचंड प्रेम आहे.
काही हॉलिवूड कलाकार तर अगदी उघडपणे बॉलिवूड चित्रपटांविषयी किंवा त्यातील गाण्याविषयी बोलताना दिसतात. हॉलिवूड अभिनेते विल स्मिथ यांचे बॉलिवूडवरील प्रेम सर्वांना परिचित आहे. आणि त्यांनी बर्‍याच प्रसंगात ते व्यक्त केले आहे.
तसेच, त्यांनी अनेकदा हिंदी चित्रपटात काम करण्याची इच्छा व्यक्त केली आहे. स्मिथ यांनी बर्‍याच अ‍ॅक्शन चित्रपटांमध्ये आपल्या अभिनयाने आपली मने जिंकली आहेत.
विल स्मिथ काही वर्षांपूर्वी भारत दौर्‍यावर आले होते. त्यावेळी त्यांनी आपल्या यूट्यूब वाहिनीवर व्हिडिओ शेअर केला होता. आणि त्यात सांगितले होते की, माझी भारत यात्रा यशस्वी झाली आहे.
त्यावेळी त्यांनी बोलताना सांगितले की, ‘मी फक्त मुंबईत फिरलो असे नाही, तर स्वप्नसुद्धा पूर्ण केले. बॉलिवूड गाण्यांवर भरपूर नाचलो, अभिनय केला. आणि खूप मजा केली.’
या व्हिडिओमध्ये विल स्मिथ हे राधा तेरी चुनरी या गाण्यावर नाचताना दिसले. ज्या प्रकारे ते नाचत होते, प्रत्येक बीट पकडत होते, हे बघून सगळेच आश्यर्यचकित झाले.
विल स्वत: त्या अनुभवाबद्दल म्हणाले होते की, भारतीय लोक खूप मदत करणारे आहेत. सर्वांनी मला नाचण्यात खूप मदत केली. त्यांचा हा व्हिडिओ लाखो लोकांनी पाहिला आहे.
विल स्मिथ यांच्या हॉलिवूड कारकिर्दीबद्दल बोलायचे झाले तर, त्यांनी अनेक बड्या चित्रपटांमध्ये काम केले आहे. हॅनकॉकपासून ते बॅड बॉय पर्यंत असे अनेक चित्रपट झाले आहेत. जिथे फक्त आणि फक्त विल स्मिथ यांची जादू बघायला मिळते .
